Знайсці
22.09.2023 / 15:294РусŁacБел

У Расіі шукаюць акцёраў на ролі двайнікоў Лукашэнкі і Ціханоўскай

Расійскае кастынгавае агенцтва SECOND UNIT, якое знаходзіцца ў Санкт-Пецярбургу, у сваіх сацсетках размясціла інфармацыю пра тое, што шукае акцёраў для здымак у мастацкім шматсерыйным фільме нацыянальнага значэння «СМІ». Сярод іншага ім патрэбныя двайнікі Святланы Ціханоўскай і Аляксандра Лукашэнкі.

Але здымацца ў самім фільме яны не будуць, з імі толькі зробяць «гульнявыя фота» для выкарыстання ў кінастужцы. 

Абвесткі на пошук двайнікоў Лукашэнкі і Ціханоўскай. Фота: SECOND UNIT ва «УКантакце»

Двайнік Ціханоўскай, якая абазначана як кандыдатка ў прэзідэнты Беларусі, мусіць быць падобным да яе тварам, паставай і прычоскай. За ўдзел у фотасесіі двайнікам Ціханоўскай прапануюць аплату ў памеры 6000 расійскіх рублёў (каля 200 беларускіх рублёў). А вось двайніку Лукашэнкі, які мусіць быць «буйным моцным мужчынам», заплацяць ужо 10 000 расійскіх рублёў за фота (амаль 340 беларускіх рублёў).

Абвесткі на пошук беларускіх памежнікаў і тых, хто перасякае мяжу. Фота: SECOND UNIT ва «УКантакце»

Раней у масоўку шукалі мужчын 20-40 гадоў, якія мусілі выканаць ролю «памежнікаў Беларусі», а таксама мужчын і жанчын ва ўзросце ад 20 да 50 гадоў, якія мусілі сыграць тых, «хто перасякае мяжу». Стаўка была ўсяго 1500-2000 расійскіх рублёў (каля 50-70 беларускіх).

Сярод роляў у фільме, якія прама не звязаныя з Беларуссю, варта адзначыць «старлея» (старэйшага лейтэнанта) і ахоўніц з «гвардыі амазонак» дыктатара Муамара Кадафі.

Мяркуючы з назвы фільма і роляў, на якія шукаюць акцёраў, расійскі фільм будзе распавядаць пра ролю СМІ ў так званых «каляровых рэвалюцыях», якія паўсюдна бачацца дзяржаўнай прапагандзе.

Магчыма, што гэта той самы фільм пад працоўнай назвай Russian gate, які не так даўно здымалі ў Мінску. Яго стваральнікі з 29 ліпеня пачалі актыўна шукаць масоўку для здымак у Мінску. Гледзячы па запытах, гаворка ішла пра эпізоды з удзелам футбольных фанатаў, супрацоўнікаў СМІ, медыкаў, паліцыянтаў, дыпламатаў МЗС, супрацоўнікаў аэрапорта, адміністрацыі прэзідэнта і г. д.

Камера з лагатыпам выдуманага канала Velcaт на здымках. Скрыншот відэа

У канцы жніўня журналісты заўважылі ў сацыяльных сетках і іншыя матэрыялы з гэтых здымак. Так, з’явіліся відэа з масоўкай пратэстоўцаў, якія бегалі з транспарантамі па дыпламатычным квартале ў раёне вуліцы Захарава. Мяркуючы са сторыз акцёраў з розных здымачных пляцовак, там фігуруюць змененыя назвы сапраўдных польскіх тэлеканалаў «Белсат» і TVPinfo — Velcaт і TWPInfo.

«Наша Нiва» — бастыён беларушчыны

ПАДТРЫМАЦЬ

Чытайце таксама:

Паглядзелі фільм «На іншым беразе». Расказваем сюжэт і тое, што пабачылі ў кінатэатры

«Экстрэмісцкую літаратуру» складаем асобна». У бібліятэках рыхтуюцца да адкрыцця спецхранаў

Перакупленая «Народная воля» перайшла на лукашэнкаўскія пазіцыі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
9
Ха-ха
3
Ого
0
Сумна
1
Абуральна
7
0
режисер/адказаць/
22.09.2023
за такую цену согласится и сам неповторимый оригинал со своим сопатым голосом принять участие в съёмках, тем более ему же не впервой летать в рф на съемки)
0
тихо(а или о?)ая/адказаць/
23.09.2023
ну не заю
лично мне дык норм
 ̷д̷и̷б̷и̷л̷ь̷ ой т.е. стабильность 
то наша ўсё
23.09.2023
Пусть сам играет, камео))
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930