Знайсці
10.06.2023 / 16:187РусŁacБел

«Больш анекдатычнага персанажа ў гэтай вайне прыдумаць нельга» — Падаляк пра абвінавачанні Лукашэнкі ў падрыве Кахоўскай ГЭС

Аляксандр Лукашэнка абвінаваціў Украіну ў падрыве Кахоўскай ГЭС, заявіўшы, што «на злодзеі і шапка гарыць». Чарговы галаслоўны выпад у адрас Кіева пракаментаваў дарадца кіраўніка Офіса прэзідэнта Украіны Міхаіл Падаляк па просьбе «Люстэрка».

Аляксандр Лукашэнка. Скрыншот відэа

— Я, шчыра кажучы, ужо стаміўся каментаваць анекдоты ў выкананні Лукашэнкі. Мне здаецца, што больш анекдатычнага персанажа ў гэтай вайне прыдумаць нельга. Ёсць, вядома, Шайгу яшчэ. Але глядзіце: Лукашэнка заўсёды ручкі складзе, сядзіць такі надзьмуты мяшочак і ўвесь час нешта распавядае, як быццам мае доступ да нейкай інфармацыі, — сказаў Падаляк.

Дарадца кіраўніка Офіса прэзідэнта Украіны падкрэсліў, што ў Лукашэнкі няма ні доступу да актуальнай інфармацыі, ні разумення працэсаў, якія адбываюцца, і, як следства, адсутнічае магчымасць правільнага аналізу.

— Абсалютная неактуальнасць таго, дзе ён знаходзіцца і што ён робіць. Гэта значыць чалавек па-за часам, які дакладна нясе абсалютна анекдатычную ахінею. Я прашу прабачэння за такія фармулёўкі, бо [ўсё] гэта — неймаверная лухта, якую нясе гэты чалавек на працягу 15,5 месяца.

Ён увесь час павялічвае аб'ём юрыдычных прэтэнзій да сябе. Несумненна, гэты чалавек павінен зразумець адну рэч: вайна скончыцца не [так], як у 14 годзе, і ўсе яго развагі пра тое, што на злодзеі гарыць шапка, яму прыйдзецца ўсё гэта распавядаць. Калі, вядома, ён зможа гэта зрабіць па фізічных і тых ці іншых параметрах. Таму што, наколькі я разумею, для Расіі ён сапраўды гэтак жа не мае ніякай каштоўнасці, як і людзі, якія сёння ўдзельнічаюць непасрэдна ў вайне, — заявіў Міхаіл Падаляк.

Аляксандр Лукашэнка 8 чэрвеня на сустрэчы з сакратарамі Рад бяспекі дзяржаў — членаў АДКБ выказаўся наконт падрыву Кахоўскай ГЭС.

— Вы, напэўна, здагадваецеся, хто падарваў Кахоўскую ГЭС? Кажуць, на злодзеі і шапка гарыць. Хто першым пра гэта закрычаў? Зразумела, што ўкраінскаму боку трэба было схаваць тры дні «контрнаступу», дзе амаль дзве сотні бронемашын было знішчана і больш за дзве тысячы чалавек загінулі. Таму — Кахоўка, Кахоўка, а пра тое (страты. — «НН») ніхто не кажа. А гэта ж усё відаць, — заявіў Лукашэнка.

У ноч на 6 чэрвеня выбухам была знішчана Кахоўская ГЭС. Сотні мястэчак аказаліся ў зоне затаплення. Пачалася эвакуацыя жыхароў небяспечных раёнаў.

Кіеў і Масква вінавацяць адно аднаго. Белы дом заявіў, што РФ адказная за разбурэнне Кахоўскай ГЭС, бо тое, што здарылася, было б немагчымым, калі б расійская армія не ўварвалася ва Украіну.

Чытайце таксама:

ІSW спрагназаваў, як падрыў Кахоўскай ГЭС паўплывае на ўкраінскі контрнаступ

Больш чым праз суткі Пуцін даручыў МНС арганізаваць дапамогу жыхарам Херсонскай вобласці ў зоне затаплення

РФ адказная за разбурэнне Кахоўскай ГЭС — Белы дом

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
33
Панылы сорам
2
Ха-ха
18
Ого
4
Сумна
2
Абуральна
5
2
Харок/адказаць/
10.06.2023
Есць - сам падаляк. И прозвишча, и погляд харка, и неадказнасць за базар. З таким саветникам ворага не трэба.
1
Яська-гаспадар/адказаць/
10.06.2023
А больш мярзотнага чым Падаляк яшчэ пашукаць трэба
10.06.2023
Moza Padaljak   usio vedae.....Sto tak nekatoryja(u kamentah)  stali ZASTUPACCA za Lukasenku....?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930