Знайсці
08.06.2023 / 15:481РусŁacБел

«Піша, але на волю нічога перадаць не можа». У зняволенага Уладзіміра Мацкевіча ў турме з'явіліся праблемы са здароўем

Жонка філосафа Уладзіміра Мацкевіча расказала «Народнай Волі» пра навіны ад мужа. 

Уладзімір Мацкевіч некалькі сутак у лютым 2022 года трымаў галадоўку пратэсту

Уладзімір Мацкевіч — беларускі філосаф і метадолаг — быў затрыманы 4 жніўня 2021 года. Яму выставілі абвінавачанне ў «арганізацыі дзеянняў, якія груба парушаюць грамадскі парадак» (арт. 342 КК). Аднак канчатковае абвінавачанне было ўжо па трох артыкулах Крымінальнага кодэкса. У выніку Мацкевіча асудзілі да пяці гадоў зняволення ў калоніі ўзмоцненага рэжыму.

Спачатку зняволены філосаф адбываў пакаранне ў Шклоўскай ПК №17, але ў пачатку гэтага года яму змянілі рэжым утрымання на больш жорсткі і перавялі ў магілёўскую турму №4.

МУС уключыў Уладзіміра Мацкевіча ў спіс асоб, якія датычныя да экстрэмісцкай дзейнасці.

— Валодзя трымаецца, хаця са здароўем у яго ёсць пэўныя праблемы, — кажа Святлана Мацкевіч, жонка філосафа. — Не буду нічога канкрэтызаваць, няхай гэта будзе медыцынскай тайнай.

Адвакат да мужа наведваецца не вельмі часта, але, прынамсі, такія візіты не адмяняюцца. І гэта ўжо добра.

— Працягвае за кратамі нешта пісаць?

— Думаю, так, але на волю перадаваць ён нічога не можа з таго, што напісаў. Трэба ж разумець, што гэта турма, а не калонія. Таму невядома яшчэ, наколькі ёсць умовы, каб там нешта пісаць. І я нават не ведаю, колькі чалавек у камеры з мужам, як яму там даводзіцца. Наколькі я разумею, у турме зняволеныя не працуюць, а па рэжыме выходзяць толькі на прагулку.

Увогуле ж пытанне знаходжання ў турме — гэта ў першую чаргу пытанне здароўя. 14 мая Уладзіміру споўнілася ўжо 67 гадоў.

Чытайце таксама:

Філосафа Мацкевіча перавялі з калоніі ў магілёўскую турму. Блізкія не ведаюць, на які тэрмін

Уладзіміру Мацкевічу вынеслі прысуд — 5 гадоў узмоцненага рэжыму

Уладзімір Мацкевіч напісаў за кратамі дзве кнігі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
2
Ого
0
Сумна
6
Абуральна
6
08.06.2023
ja pamjataiu jak ion diskutavau z Z. Paznjakom.....Padtrymlivau Lukasenku....Nu sto-Dobra atrymalasja ?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера