Знайсці
05.06.2023 / 17:046РусŁacБел

Ціханоўская выказала спачуванні сям'і Дзмітрыя Сарокіна, які раптоўна памёр у Лідскім РАУС

Сёння стала вядома пра смерць 37-гадовага лідскага паэта Дзмітрыя Сарокіна. Лідарка дэмакратычных сіл Святлана Ціханоўская выказала спачуванні родным Дзмітрыя і заклікала распавесці праўду пра яго смерць. 

Дзмітрый Сарокін 

«Сёння з'явілася інфармацыя, што ў РАУС горада Ліды раптоўна памёр Дзмітрый Сарокін. Нам яшчэ невядомыя прычыны таго, чаму Дзмітрый знаходзіўся ў РАУС, але гэта ўжо не першы раз, калі сілавікі затрымліваюць яго.

Інфармацыі аб прычыне смерці 37-гадовага Дзмітрыя пакуль няма. Трагедыя адбылася яшчэ ў чацвер, 1 чэрвеня, а сілавікі па-ранейшаму ўсё хаваюць і спрабуюць «замяць» чарговае самавольства. Таму я прашу ўсіх, хто ведае нейкую інфармацыю пра смерць Змітра, паведаміць яе наўпрост сваякам, у незалежныя СМІ ці праваабаронцам. Мы павінны даведацца праўду.

Я хачу выказаць шчырыя спачуванні родным, блізкім і сябрам Дзмітрыя. Прама зараз мне б вельмі хацелася абняць вас, трымайцеся», — напісала ў тэлеграм-канале Ціханоўская.

Дзмітрый працаваў як дызайнер, маркетолаг, мастак-канструктар, мерчандайзер у розных кампаніях. Ён скончыў Лідскі тэхнічны каледж па спецыяльнасці «тэхнік-механік», а потым вучыўся ў Інстытуце прадпрымальніцтва і парламентарызму на дакументазнаўцу.

Пахаванне прызначана на аўторак.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
0
Ого
0
Сумна
12
Абуральна
4
0
Помста са зброяй у руках/адказаць/
05.06.2023
Родныя палітзняволен і забітых, не жуйце соплі, а выязжайце да краіны і далучайцеся да
Беларускі Дабраахвотніцкі Корпус
Полк Кастуся Каліноўскага
"Пагоня"
05.06.2023
U zabitaga paeta(na vjaliki zal) nima rodnyh.....
0
конь/адказаць/
06.06.2023
mikola,яны ёсць. Усе прыстойныя беларусы яго радня.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера