Знайсці
25.05.2023 / 16:216РусŁacБел

За колькі купляюць кватэры ў элітным новым квартале каля плошчы Перамогі?

З'яўленне ў самым цэнтры Мінска квартала «Дэпо» ўзрушыла сэрцы гараджан. Спачатку, калі забудоўшчык яшчэ не прыступіў да рэалізацыі праекта, на лакацыю заглядваўся ў тым ліку беларускі сярэдні клас. Аднак крыху пазней, пасля таго як агучылі цэны на метры, стала зразумела, што разлічваць на жыллё ў раёне плошчы Перамогі змогуць толькі вельмі і вельмі багатыя людзі, піша «Анлайнер».

«Дэпо». Фота: «Анлайнер»

«Квадрат» у раёне $3500 па курсе плюс парковачнае месца за $30 000 у эквіваленце.

У снежні мінулага года «А-100 Дэвелапмент» здаў першы «кубік» у новым квартале. За ім рушылі ўслед і два іншыя. Шчаслівыя дольшчыкі атрымалі ключы ад шыкоўных кватэр і пачалі рабіць рамонты.

Мяркуючы па ўсім, большую частку метраў разабралі яшчэ на этапе будаўніцтва. Але і свабодныя кватэры засталіся.

Каб праверыць, па якіх цэнах куплялі там кватэры, журналісты звярнуліся да базы даных Нацыянальнага кадастравага агенцтва.

Мяркуючы па звестках, прыведзеных у НКА, з пачатку года ў жылым комплексе «Дэпо» былі прададзеныя дзве кватэры. 

Не так даўно, у пачатку мая, новага гаспадара знайшлі 88,7 квадратнага метра ў доме № 6б на Кісялёва. Кватэра знаходзіцца на прамежкавым, чацвёртым паверсе. За яе ўласнік выклаў амаль 1 104 000 рублёў, або $380 555 па курсе. Такім чынам, адзін квадратны метр у фармаце White box абышоўся пакупніку ў $4290 у эквіваленце.

У гэтым жа доме, але ў красавіку прадалі кватэру на пятым паверсе плошчай 124 квадратныя метры. За гэтае хараство кліент аддаў 1 427 350 рублёў, або $485 974 па курсе. У выніку адзін «квадрат» ацанілі прыкладна ў $3915 у эквіваленце.

Увогуле, разлічваць на зніжкі і распродажы не даводзіцца: метры сыходзяць і па тых цэнах, якія лічыць справядлівымі забудоўшчык.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
5
Ха-ха
10
Ого
5
Сумна
0
Абуральна
1
1
Новы рамонт/адказаць/
25.05.2023
Дзіўна гучыць ''атрымаў ключы ад новай кватэры і прыступіў да рамонту''. Што ж гэта за новая кватэра, якую адразу трэба рамантаваць. Калі маецца наўвазе аздабленне ці давядзенне кватэры да ладу паводле густу гаспадароў, то чаму ўсе называюць гэта рамонтам. 
0
дочка Максима Дизайнера/адказаць/
26.05.2023
гляджу на фасад...
гэта па маскоўскіх пажарных і інш. нормах зроблена?
ну яўна не па нашых
0
дочка Максима Дизайнера/адказаць/
26.05.2023
блин.
а як яно у нас Экспертызу прайшло?
ха-ця...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера