Знайсці
01.10.2022 / 16:46РусŁacБел

Падаляк распавёў, пры якіх умовах могуць аднавіцца перамовы з Расіяй

Перамовы з РФ могуць аднавіцца пры ўмове, што расійскае войска пакіне ўсю тэрыторыю Украіны, уключаючы Крым. Пра гэта дарадца кіраўніка офіса прэзідэнта Украіны Міхаіл Падаляк распавёў выданню La Repubblica, піша «УП».

 Фота: Офіс прэзідэнта Украіны

«Расія не хоча весці перамовы — яна толькі ставіць ультыматумы. Калі расійскае войска пакіне ўсю тэрыторыю Украіны, уключаючы Крым, перамовы могуць аднавіцца».

Дарадца кіраўніка офіса прэзідэнта таксама падкрэсліў, што аб'яўленне Расіяй анексіі акупаваных ёю Херсонскай, Запарожскай, Луганскай і Данецкай абласцей, як і праведзеныя на гэтых тэрыторыях псеўдарэферэндумы, нічога не мяняюць для Украіны. Па словах Падаляка, гэтыя рэгіёны былі і застаюцца ўкраінскімі, і УСУ будуць змагацца за іх вызваленне.

Гаворачы аб пагрозах РФ прымяніць ядзерную зброю, прадстаўнік АП адзначыў, што верагоднасць ядзернага канфлікту невысокая, але яна ёсць.

Па словах Падаляка, калі свет дапусціць поўны крах міжнароднай ядзернай бяспекі, то катастрафічныя наступствы будуць не толькі для Украіны.

Пры такіх умовах глабальны адказ на магчымую атамную атаку давядзецца даваць, у тым ліку і ў рамках ЕС і НАТА, перакананы прадстаўнік АП.

Прэзідэнт Украіны Уладзімір Зяленскі напярэдадні заявіў, што Украіна не гатовая весці перамовы з цяперашнім прэзідэнтам Расіі Уладзімірам Пуціным.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
45
Панылы сорам
0
Ха-ха
5
Ого
1
Сумна
1
Абуральна
2
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера