Грамадства

Загінулы беларускі добраахвотнік працаваў дальнабойшчыкам у Польшчы і пакінуў працу, каб абараняць Украіну

Беларускі добраахвотнік Зміцер Апанасовіч — пазыўны «Тэрор» — ваяваў за Украіну. 26 сакавіка ён атрымаў цяжкае раненне ў супрацьстаянні з расійскімі войскамі пад Ірпенем. Выратаваць яго жыццё медыкам не ўдалося. Гэта ўжо трэцяя смерць беларускіх добраахвотнікаў на вайне ва Украіне ў 2022 годзе.

Зміцер Апанасовіч, фота: belwarriors

Зміцер працаваў дальнабойшчыкам у Польшчы. Яго сябры распавядаюць Mostmedia, якім ён быў і чаму вырашыў паехаць на вайну ва Украіну.

Ён родам са Смаргоні. У 2013-2014 гадах служыў у 38-й дэсантна-штурмавой брыгадзе ў Брэсце. Апошнія чатыры гады жыў у Польшчы, працаваў дальнабойшчыкам. Зміцер прыняў рашэнне ехаць ва Украіну 25 лютага, на наступны дзень пасля пачатку поўнамаштабнай вайны. Загінуў ад ранення ў баях за Ірпень.

Служыў у ПДВ

Іван Страшкевіч — сябар Змітра. Яны абодва са Смаргоні, служылі ў адной брыгадзе ў Брэсце. Потым пераехалі ў Польшчу: Зміцер — у Варшаву, а Іван — у Беласток.

— Мы пазнаёміліся ў 2013 годзе, хадзілі ў адну трэнажорную залу, займаліся рукапашнымі баямі. У тым жа годзе яго забралі служыць у дэсантуру ў Брэст, праз некалькі месяцаў і я туды трапіў. Мы яшчэ разам паслужылі. Дзіма быў добрым салдатам, на такіх байцах беларуская армія і трымаецца. Ён дэмбельнуўся на паўгода раней, потым яшчэ мяне сустракаў. На Дзень ПДВ мы разам выходзілі.

Іван Страшкевіч (злева) і Зміцер Апанасовіч (справа) сустракаюць дэмбеля. Фота: архіў Івана Страшкевіча.

Тое, што Зміцер паехаў ваяваць ва Украіну, для Івана не стала навіной. Ён перад ад'ездам напісаў Івану і прапанаваў ехаць разам. Іван падумаў і адмовіўся.

Зміцер справа ў сініх пальчатках

— Мне было што губляць. А Дзіма ўсё кінуў і паехаў на вайну абараняць Украіну. Выязджаў ён з Варшавы з іншымі добраахвотнікамі.

Сям'і ў яго не было, нават бацькам нічога не сказаў пра вайну. Сказаў, што паехаў у чарговы рэйс. Дзіма быў вельмі добрым чалавекам са сваёй канкрэтнай пазіцыяй: слабага не чапаў, дзёрзкага караў.

Ён быў паганцам і верыў у мноства багоў. Веру, што ён адправіўся ў Вальхалу.

З рэйса — на вайну ва Украіну

Іншы сябар Змітра — баявы таварыш пад пазыўным «Борт». Яны разам адправіліся на вайну ва Украіну. «Борт» таксама працаваў дальнабойшчыкам ў Польшчы. Пра знаёмства і сяброўства ён распавёў Сяргею Бяспалаву.

Зміцер (справа) з баявым таварым ва Украіне. Фота: belwarriors

— З Дзімам мы пазнаёміліся ў 2020 годзе падчас пратэстаў у Беларусі. Ён пару разоў прыязджаў у Мінск. У нас з ім былі агульныя сябры і мэты. Сапраўдны брат. Ён служыў у 38-й брыгадзе, ведаў снайперскую справу. Ён настолькі воін, што я не магу так проста растлумачыць. Калі пачалася вайна, Дзіма быў у рэйсе ў Латвіі, праз некалькі дзён ён вярнуўся ў Варшаву і мы вырашылі паехаць ва Украіну.

Беларусы ў складзе Добраахвотніцкага атрада выехалі ў Польшчу ў канцы лютага. У 20-х чыслах сакавіка іх падраздзяленне амаль тыдзень удзельнічала ў баях за Ірпень.

— Гэта быў першы наш сур'ёзны бой. Ён доўжыўся шэсць дзён. Выводзілі мірных жыхароў з-пад абстрэлаў. Дзіма быў камандзірам і душой свайго падраздзялення.

Дактары абяцалі выцягнуць

Зміцер Апанасовіч атрымаў раненне 26 сакавіка. Паплечнікі аператыўна выцягнулі яго з акопа і занеслі ў дом. Праз некалькі хвілін прыехалі медыкі і забралі яго.

— Мы адбілі атаку рускіх, на нас наступала пяхота. Пачаўся абстрэл, Дзіма зняў падраздзяленне ў сховішча, а сам застаўся. Там стралялі яшчэ танк і БМП. Праціўнік веў агонь па нашых пазіцыях. У Дзіму прыляцеў асколак у правую лапатку. Яго выцягнулі з акопа і эвакуявалі на працягу пяці хвілін, — распавёў «Борт».

«Борт» да апошняга думаў, што Дзіма выжыве. Беларуса экстранна даставілі ў шпіталь, але дактары не змаглі выратаваць яму жыццё.

— Наш медык аказаў яму кваліфікаваную дапамогу, і калі перадавалі дактарам, [Дзіма] нават прыйшоў у сябе. Дактары сказалі, што сур'ёзнае раненне, але яго выцягнем. Так атрымалася, што не выцягнулі.

Змітра пахавалі ва Украіне 29 сакавіка. На яго пахаванні прысутнічалі ягоныя паплечнікі — байцы беларускага батальёна імя Кастуся Каліноўскага. Зміцер Апанасовіч стаў трэцім беларусам, які загінуў з пачатку вайны ва Украіне ў 2022 годзе.

Батальён імя Кастуся Каліноўскага быў створаны на пачатку поўнамаштабнага ўварвання Расіі ва Украіну. У ім ваююць беларускія добраахвотнікі. 25 сакавіка батальён увайшоў у склад Узброеных сіл Украіны (УСУ), а байцы прынялі ўкраінскую прысягу на беларускай мове.

30 сакавіка стала вядома, што ў Варшаве фармуецца чарговае беларускае вайсковае фармаванне — полк «Пагоня», які ўвойдзе ў склад інтэрнацыянальнага легіёна УСУ.

Чытайце таксама:

Як загінуў добраахвотнік Зміцер Апанасовіч? Расказваюць яго паплечнікі

Ва Украіне правялі ў апошні шлях байца батальёна Кастуся Каліноўскага Змітра Апанасовіча

Абвешчана пра фарміраванне палка «Пагоня»

Каментары

Дар‘я Лосік выйшла на свабоду па памілаванні16

Дар‘я Лосік выйшла на свабоду па памілаванні

Усе навіны →
Усе навіны

Паўла Латушку выклікалі ў польскую пракуратуру2

Расійскі вайсковец, якога нібыта сёння ўзарвалі ў Маскве: Я жывы, сяджу на працы

Спевака — пастаяннага ўдзельніка афіцыйных канцэртаў — будуць судзіць за пратэсты1

Сярэдні заробак у чэрвені вырас на 50 рублёў, але наколькі ён адлюстроўвае рэальную сітуацыю?

Дзікавіцкі: Каманда «Белсата» амаль не мае ніякага ўплыву на сітуацыю3

Стрыжак тлумачыць, чаму супраць перамоваў з лукашэнкаўцамі і якая яго прапанова1

Сталі вядомыя падрабязнасці сустрэчы Дуды і Сі Цзіньпіна наконт рэжыму Лукашэнкі

На таргах у Мінску даляр з салідным запасам рухнуў да гадавога мініміму1

«Падрыхтоўка да Алімпіяды прайшла не так, як планавала». Ціманоўская расказала, з якім настроем едзе ў Парыж7

больш чытаных навін
больш лайканых навін

Дар‘я Лосік выйшла на свабоду па памілаванні16

Дар‘я Лосік выйшла на свабоду па памілаванні

Галоўнае
Усе навіны →