Грамадства

Пункт для мігрантаў у «Брузгах» спыніў працу. Іх там больш няма

У транспартна-лагістычным цэнтры «Брузгі» спыніў працу пункт размяшчэння мігрантаў. Усе замежнікі, якія часова знаходзіліся ў цэнтры, пакінулі яго.

Архіўнае фота БелТА

Пра гэта паведаміла прэс-служба Дзяржпагранкамітэта Беларусі.

22 сакавіка 98 мігрантаў вылецелі эвакуацыйным рэйсам з Мінска ў Ірбіль у 02.55. Вяртанне на радзіму было арганізаванае ў рамках праграмы дапамогі міжнароднай арганізацыі па міграцыі.

«Астатнія замежнікі па іх просьбе часова расселеныя ў гасцініцах і санаторыях для чакання наступных вывазных рэйсаў», — паведаміў ДПК.

Напярэдадні ў Нацыянальны аэрапорт «Мінск» прыляцеў самалёт авіякампаніі Fly Baghdad. Яго не было ў раскладзе, прызямленне не адлюстроўвалася на табло прылётаў.

Паводле звестак на 20 сакавіка, у ТЛЦ «Брузгі» заставаліся 409 мігрантаў.

***

Пасля ўвядзення ўлетку санкцый Лукашэнка паабяцаў, што Беларусь больш не будзе стрымліваць мігрантаў, якія спрабуюць трапіць праз яе тэрыторыю ў Еўрасаюз. Спачатку ціск ішоў на літоўскую мяжу, потым на польскую. З кожным днём колькасць мігрантаў на мяжы расла.

Сітуацыя на беларуска-польскай мяжы абвастрылася 8 лістапада. Вялікая калона мігрантаў прыйшла на нейтральную тэрыторыю побач з пунктам пропуску «Брузгі». Аднак каля памежнага перахода мігранты збочылі ў лес, разбіўшы там лагер. Колькасць людзей там ацэньвалася ў некалькі тысяч чалавек, прычым большасць складалі іракскія курды. 

Людзі секлі дрэвы, палілі вогнішчы, парушаючы тым самым заканадаўства, але беларускія сілавікі ніяк не рэагавалі на дзеянні мігрантаў.

15 лістапада замежнікі пакінулі стыхійны лагер і сабраліся ў пункце пропуску «Брузгі». 16 лістапада мігранты паспрабавалі прарвацца праз беларуска-польскую мяжу. Яны кідалі ў польскіх сілавікоў камяні. Тыя ўжылі ў адказ вадамёты і слёзацечны газ. 

Увечары 16 лістапада, пасля штурму мяжы і пагрому ў Брузгах, мігрантаў запрасілі ў памяшканне транспартна-лагістычнага цэнтра «Брузгі». Там ім выдалі матрасы, паведамілі, што можна заставацца колькі патрэбна. Частка людзей «пераехала» ў памяшканне, частка засталася ў намётах ля мяжы.

Паступова вакол ТЛЦ пачала вырастаць інфраструктура. Запрацавалі палявыя кухні, вялося медабслугоўванне. Да мігрантаў прыязджалі чыноўнікі, дэпутаты, прыехаў і Лукашэнка.

Паралельна мігрантаў эвакуацыйнымі рэйсамі вывозілі на радзіму. Лагер у «Брузгах» праіснаваў больш за чатыры месяцы.

Каментары

Стала вядома пра арышт гісторыка Ігара Мельнікава14

Стала вядома пра арышт гісторыка Ігара Мельнікава

Усе навіны →
Усе навіны

Былая палітзняволеная: Мая сям'я патраціла за два гады $10 тысяч на адвакатаў і перадачы для мяне1

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У Трампа быў эфектыўны козыр супраць Байдэна. Цяпер ён можа вярнуцца бумерангам 

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

больш чытаных навін
больш лайканых навін

Стала вядома пра арышт гісторыка Ігара Мельнікава14

Стала вядома пра арышт гісторыка Ігара Мельнікава

Галоўнае
Усе навіны →