Меркаванні

Паводзіны патрыярха роўныя ваеннаму злачынству — меркаванне

Расія працягвае бамбіць мірныя ўкраінскія гарады, але кіраўнік Рускай праваслаўнай царквы патрыярх Кірыл не сказаў ні слова пра агрэсію сваёй краіны. У сваёй першай публічнай заяве пасля пачатку вайны ён здолеў толькі «выказаць глыбокае спачуванне ўсім, каго закранула гэтая трагедыя», нібыта размова ідзе пра паводку ці землятрус.

Фота: АР.

Голас патрыярха мае значэнне, бо ён — кіраўнік найвялікшага ў Расіі рэлігійнага аб’яднання, якое нават лічыць Украіну сваёй кананічнай тэрыторыяй. Маўчанне Кірыла не проста ганебнае, яго можна нават лічыць ваенным злачынствам. Справа ў тым, што ў гэтай вайне рэлігійная прапаганда і матывацыя займае асобае месца, піша euobserver.com.

Патрыярх і яго падначаленыя шмат гадоў сцвярджалі, нібыта царква Маскоўскага патрыярхата адчувае на сабе нейкі пераслед ва Украіне. Пуцін выкарыстаў расказы пра гэта, каб апраўдаць развязванне вайны. 21 лютага ў сваёй прамове пра прызнанне так званых ДНР і ЛНР Пуцін распавядаў, нібыта «Кіеў працягвае падрыхтоўваць разбурэнне Украінскай праваслаўнай царквы Маскоўскага патрыярхата».

Кірыл доўгі час выкарыстоўваў падобную да пуцінскай рыторыку пра тое, што рускія і ўкраінцы — гэта нібыта адзін народ. Калі Расія пачала бамбіць украінскія жылыя дамы і шпіталі, Кірыл зноў успомніў гэтую ідэю.

27 лютага ў сваёй пропаведзі патрыярх узгадаў «цяперашнюю палітычную сітуацыю ў блізкай нам брацкай Украіне» і «злыя сілы, што заўсёды змагаліся з адзінствам Русі і Рускай царквы». Кірыл нават удакладніў, што, калі ён просіць Бога «бараніць зямлю Рускую ад ворагаў знешніх», пад Рускай зямлёй ён мае на ўвазе «Расію, Украіну і Беларусь, і іншыя плямёны і народы». То бок, пакуль расійскія войскі бамбяць украінскія гарады, патрыярх лічыць, што ў канфлікце ўдзельнічаюць невядомыя «знешнія ворагі».

3 сакавіка Маскоўскі патрыярхат распаўсюдзіў па сваіх епархіях спецыяльную малітву аб аднаўленні міра. У ёй ізноў прагучала ідэя пра «брацкія народы»: узгадалі і сумеснае хрышчэнне «рускіх людзей», і «дух брацкай любові». Гэты прапагандысцкі тэкст абавязалі чытаць у кожным храме Маскоўскага патрыярхата — у тым ліку у тых, што знаходзяцца ва Украіне.

Усё гэта сведчыць, што патрыярх Кірыл падтрымлівае ваенную рыторыку Пуціна. Праз гэта Кірыл можа быць абвінавачаны ў актыўным саўдзельніцтве ў ваенных злачынствах, злачынствах супраць чалавечнасці і генацыдзе. Магчыма, менавіта праз гэта ўсё больш святароў Маскоўскага патрыярхата ва Украіне адмаўляюцца ўзгадваць Кірыла падчас царкоўных набажэнстваў.

Прапаганда можа мець вялікі ўплыў на ход вайны. Вось чаму ў Міжнародным пакце аб грамадзянскіх і палітычных правах сказана: «Любая прапаганда вайны павінна быць забароненая законам». І ўжо існуюць прыклады крымінальнай адказнасці за саўдзел ў ваенных злачынствах, злачынствах супраць чалавечнасці і генацыдзе.

Цяжка сказаць, ці можа такая адказнасць чакаць патрыярха Кірыла. Але нават статус духоўнай асобы не можа гарантаваць імунітэт у выпадку ваенных злачынстваў.

Каментары

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Усе навіны →
Усе навіны

«Замоў вельмі шмат». Польскі рэстаран арганізаваў дастаўку піцы проста ў чаргу на мяжы з Беларуссю1

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

Чаму ў гарачыя дні часта баліць галава і як ад таго ўберагчыся

У мястэчку Гарадок на Беласточчыне сёння пачаўся фестываль Tutaka

Міліцыя страляла ў двары мінскага шматпавярховіка. Што здарылася?

У Беларусі зноў пастрожылі палітычны фільтр для экскурсаводаў. Што змянілася ў правілах атэстацыі?2

«Знаходзіцца ў знясіленым стане». Вернікі даведаліся падрабязнасці пра зняволенага ксяндза Анджэя Юхневіча

больш чытаных навін
больш лайканых навін

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Галоўнае
Усе навіны →