Здарэнні

Былыя сілавікі заявілі, што знайшлі агента, які ўдзельнічаў у падрыхтоўцы «тэракта» да 25 сакавіка

Аб’яднанне былых сілавікоў апублікавала расследаванне пра спробу арганізаваць тэракт у Беларусі сёлета на Дзень волі. 24 сакавіка ініцыятыва паведаміла, што ўлады рыхтуюць правакацыю — выбух на тэрыторыі аднаго з участкаў міліцыі. Аўтары спасылаліся на ўласныя крыніцы, ніякага выбуху ў выніку не было. 26 сакавіка ўлады заявілі, што прадухілілі арганізацыю некалькіх тэрактаў — выбухі каля дома ў Чыжоўцы ў Мінску і каля вайсковай часткі ў Барысаве.

Тады затрымалі аднаго чалавека, Вячаслава Малейчука. Справу за падрыхтоўку акта тэрарызму завялі таксама на ўдзельнікаў аб’яднання былых сілавікоў і лідараў дэмакратычных сілаў Святлану Ціханоўскую і Паўла Латушку.

На відэа допытаў Малейчук расказвае, што дзейнічаў не адзін, са знаёмым Яўгенам. Экс-сілавікі расказалі, што гэта за чалавек.

Вячаслаў Малейчук адразу пасля затрымання

Што вядома пра Вячаслава Малейчука? Па версіі сілавікоў, ён рыхтаваў два выбухі — у Мінску і ў Печах пад Барысавам. Родам Вячаслаў з Пінска, у сталіцу прыехаў на заробкі. Сваякі і сябры кажуць, што ён не цікавіўся піратэхнікай.

На відэа пасля затрымання Малейчук кажа, што пайшоў на злачынства, каб выклікаць давер аб’яднання былых сілавікоў і заручыцца іх падтрымкай. Ніводнае прозвішча ён не называе. Кажа, што не ведаў, як рабіць выбуховыя рэчывы, маўляў, гэта зрабіў яго знаёмы па адным з тэлеграм-чатаў.

Таксама Малейчук указвае, што быў не адзін, а разам з Яўгенам. Пра затрыманне гэтага чалавека міліцыя не паведамляла.

Паводле аб’яднання былых сілавікоў, гаворка ідзе пра Яўгена Прахарэвіча. Ён быў асуджаны за махлярства ў асабліва буйным памеры, на свабоду павінен быў выйсці толькі ў жніўні 2022 года. Аднак прыцягнуў увагу аператыўнікаў.

Яўген Прахарэвіч. Фота: сацыяльныя сеткі

Справа ў тым, што Прахарэвіч прыняў іслам. Такія людзі — на кантролі ГУБАЗіК, які правярае іх датычнасць да радыкальных ісламісцкіх груповак.

Прахарэвіч адбываў пакаранне ў Івацэвіцкай калоніі. Былыя сілавікі сцвярджаюць, што аператыўнікі прапанавалі яму супрацоўніцтва — за гэта пакаранне замянілі на больш мяккае — «хатнюю хімію», і ён выйшаў на свабоду. Гэта даволі распаўсюджаная практыка, у сілавікоў хапае «агентаў» з ліку як былых асуджаных, так і тых, хто ў цяперашні час адбывае пакаранне ці знаходзіцца пад следствам. 

Як Прахарэвіч пазнаёміўся з Малейчуком? Апошні таксама адбываў пакаранне ў Івацэвіцкай калоніі, сядзеў за крадзеж. Вось там, за кратамі, і завязалася сяброўства. Родныя ў размове з журналістамі пацвярджалі гэтае сяброўства.

У расследаванні былых сілавікоў ёсць аўдыязапіс, на якім супрацоўнікі міліцыі абмяркоўваюць, як выцягнуць Прахарэвіча ў Мінск з Барысава, дзе той мусіць знаходзіцца пад наглядам на «хіміі». Гэта кажа пра тое, што асуджаны дзейнічаў не самастойна. Пры гэтым МУС не паведамляла аб затрыманні саўдзельнікаў Малейчука, які падкрэсліваў, што дзейнічаў не адзін.

Былыя сілавікі мяркуюць, што пінчук стаў ахвярай правакацыі. Улады ж называюць яго ўдзельнікам падрыхтоўкі акта тэрарызму, звязваюць яго з дзейнасцю экс-праваахоўнікаў, якія пасля выбараў пакінулі службу і крытыкуюць прадстаўнікоў улады. 

У лісце родным Малейчук пісаў, што ўсё адно лічыць Яўгена братам, кажа, што ў мінулым той яму вельмі дапамог, «тады былі светлыя часы».

Каментары

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта17

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →