«Tabu»
TV, 15 krasavika, niadziela
Film Nahisa Asimy.
15.04.2007 / 10:49
NTV, 23.40
Tabu
Japonija – Francyja – Vialikabrytanija, 2000, kalarovy, 95 chv.
Režyser: Nahisa Asima
Roli vykonvajuć: Ruchiej Macuda, Takiešy Kitana, Šyndžy Takieda
Žanr: Historyčnaja drama
Adznaka: 8,5 (z 10)
Japonija, 19 stahodździe. Kaniec epochi samurajaŭ. Vajskovaja klasa ŭsio jašče sprabuje ŭtrymać uładu. Siarod novych apałčencaŭ – piekny 18-hadovy junak (Ruchiej Macuda). U atradzie junak vyklikaje reŭnaść, zabojstvy j začaravańnie. I tolki samuraj Chidzikata (Takiešy Kitana) zdolny ŭbačyć praŭdu.
Kaściumnaja drama, dzie pavienčanyja Tanatas i Eras (što charakterna dla tvorčaści Nahisy Asimy); cyrymonii znachodziać śmierć, a kachańnie viadzie da mahiły.
Dzivosnaja kalihrafija kadru z čorna-sinim tumanam, tryvožnaja muzyka Ruičy Sakamoty; zrublenaja sakura, adsiečanaja hałava, pačućciovyja intanacyi. Film tolki zdajecca homaseksualnym detektyvam u samurajskich šatach. Jahonaja asnova – klasyčnyja japonskija historyi pra pryvidaŭ, dzie zamiest demanicy-žančyny – žyvy blednatvary spakušalnik.