Typu krutyja mianty
Daścipnaja brytanskaja kamedyja na ekranach stalicy. Recenzuje ŭ svaim błohu Andrej Rasinski.
10.04.2007 / 13:38
Vialikabrytanija, 2007, kalarovy, 121 chv.
Režyser: Edhar Rajt
Roli vykonvajuć: Sajman Peh, Nik Frost, Bił Bejli, Cim Barłaŭ, Dejvid Bredli, Džym Brodbent, Styŭ Kuhan, Pedzi Konsydajn
Žanr: Detektyŭnaja kamedyja
Adznaka: 7,5 (z 10)
Nikałas Endžeł – udarnik palicejskaje pracy. Vydatnik, spartoviec, zmahar i pracaholik. Uzornyja pavodziny Endžeła tak dapiakajuć jahonym kaleham, što hieroja spłaŭlajuć u pravincyjnaje miastečka, dzie niama nijakich złačynstvaŭ. Ale ŭ haradku adbyvajecca niešta dziŭnaje j strašnaje. Chacia mieścičy choram śćviardžajuć, što niama pryčynaŭ dla kłopatu, Endžeł biarecca za śledztva...
Paśla daścipnaj parodyi “Zombi pa imieni Šon” (film u siecivie ŭvajšoŭ u dziasiatku najlepšych) režyser Edhar Rajt vyrašyŭ uziacca za detektyvy. Kampaniju jamu skłała niezabyŭnaja paračka Sajman Peh i Nik Frost.
Što tyčycca detektyŭnaha žanru, to takoha hustoŭnaha ździeku ekran nia bačyŭ daŭno. Brytanski humar – z surjoznym tvaram, niepachisnaj pravilnaściu (u idyjockich umovach) i intelektualnaj hulnioj prymušaje rahatać.
Miascovyja kłušy z hranatamiotam, krutaja vesternovaja stralanina, marskaja mina j vybuchi...
Daścipnaja parodyja i kultavy palicejski film adnačasova.
Na pačatku tydnia seansy ŭ kinateatrach “Kastryčnik”, “Maskva”, “Aŭrora”, naprykancy – “Mir” i “Bieraście”.
Fota z sajtu Kino.br.by