Žurnalistam pakazali pašpart Łukašenki — fota
Sucelnyja zahadki.
21.08.2012 / 17:08
Žurnalist Uładzimir Čudziancoŭ apublikavaŭ u svaim błohu ŭ Facebook fatahrafiju dypłamatyčnaha pašparta Alaksandra Łukašenki. Zdymak byŭ zrobleny ŭ časie ekskursii ŭ novaadkryty Muziei biełaruskaj dziaržaŭnaści.
«Heta mienavita dypłamatyčny pašpart Łukašenki. Paśla taho, jak jon staŭ niadziejnym pavodle terminu dziejańnia, jaho pieradali ŭ muziej», — adznačyŭ žurnalist.
Hety pašpart vydali ŭ 1997 hodzie. Termin jaho dziejańnia skončyŭsia ŭ 2002-m.
Pry hetym transkrypcyja imia i proźvišča Łukašenki padadziena z rasiejskaj movy, choć imia pa praviłach transkrypcyja pavinna być z nacyjanalnaj, biełaruskaj movy.
Miescam naradžeńnia Alaksandra Łukašenki ŭkazany Mahiloŭ, choć naradziŭsia jon u pasiołku Kopyś Aršanskaha rajona Viciebskaj vobłaści.Data naradžeńnia — 30 žniŭnia 1954 hoda. Ale paźniej u jakaści dnia naradžeńnia staŭ ukazvacca dzień 31 žniŭnia.
Narešcie, adsutničaje abaviazkovy dla ŭsich asabisty numar.
Uładzimir Čudziancoŭ abiacaje nieŭzabavie vialiki repartaž na partale Tut.by.