Na sudzie zamiest asudžanaj na śmierć žonki Bo Siłaja mahła prysutničać inšaja žančyna

21.08.2012 / 14:11

Žonka apalnaha kitajskaha partfunkcyjaniera Bo Siłaja, asudžanaja napiaredadni na śmierć z adterminoŭkaj pakarańnia za zabojstva brytanskaha biznesoŭca, mahčyma, nie prysutničała na pasiedžańni suda. Jak pišuć zachodnija ŚMI, paśla vierdyktu, jakoha čakaŭ uvieś śviet, ekśpierty vykazali zdahadku, što žančyna, jakuju dziaržaŭnyja kitajskija telekanały pakazali ŭ zale suda, była zusim nie Hu Kajłaj.

Pra heta piša Business Insider.

Pieršymi na adroźnieńni ŭ vyhladzie pakazanaj pa telebačańni Hu Kajłaj i «sapraŭdnaj» žonki Bo Siłaja źviarnuli ŭvahu žurnalisty Financial Times. Ekśpierty pa pytańniach biaśpieki, apytanyja vydańniem, zajavili haziecie, što dla padrychtoŭki repartažu pra sud nad žonkaj byłoha partfunkcyjaniera kitajskija ŭłady zaprasili vielmi padobnuju da Hu Kajłaj žančynu.

Paźniej imaviernaść taho, što na sudzie adbyłasia padmiena, pačała šyroka abmiarkoŭvacca ŭ sacsietkach.