Sacyjalnuju padtrymku ŭ Biełarusi akazvajuć kožnamu šostamu
23.07.2012 / 09:58
U Biełarusi na ŭliku ŭ terytaryjalnych centrach sacyjalnaha absłuhoŭvańnia nasielnictva (TCSAN), pavodle danych na 1 lipienia hetaha hoda, znachodziacca 1,6 młn. čałaviek, jakija apynulisia ŭ ciažkaj žyćciovaj situacyi,paviedamiła načalnik adździeła raźvićcia i kaardynacyi sacyjalnaj dapamohi i sacyjalnaha absłuhoŭvańnia Ministerstva pracy i sacabarony Taćciana Fiodarava.
Jana adznačyła, što sacyjalnyja pasłuhi nasielnictvu respubliki pradastaŭlajuć 149 TCSAN. Najbolš zapatrabavany pasłuhi adździaleńniaŭ sacyjalnaj dapamohi doma. Z pačatku hoda kolkaść atrymalnikaŭ nadomnaj sacdapamohi (a heta niepracazdolnyja pažyłyja ludzi i invalidy) pavialičyłasia na 2,3 tys. čałaviek i dasiahnuła 90 tys. čałaviek.
Karystajucca pavyšanym popytam razavyja sacyjalna-bytavyja pasłuhi, jakija pradastaŭlajuć adździaleńni terminovaha sacabsłuhoŭvańnia pa nizkich cenach. U pieršym paŭhodździ biahučaha hoda 135 tys. razavych pasłuh atrymali 40,5 tys. čałaviek.