Kromveł Łukašenku: «Vaźmicie siabie ŭ ruki»
Arhanizatar plušavaha desantu zaklikaje nie mučyć ludziej i abiacaje prylacieć jašče raz.
19.07.2012 / 13:06
Kiraŭnik rekłamnaj firmy Studio Total i arhanizatar «plušavaha desantu» Per Kromveł napisaŭ adkryty list Alaksandru Łukašenku.
Pieradusim Per Kromveł reahuje na aryšt KDB Antona Surapina za publikacyju zdymkaŭ plušavych miadźviedzikaŭ, jakich Studio Total skinuła na Biełaruś. U suviazi z hetym kiraŭnik Studio Total padkreślivaje nastupnaje: «My nikoli zahadzia nie paviedamlali ni Antonu Surapinu, ni jakomu inšamu hramadzianinu Biełarusi pra toje, što my płanujem zrabić. My zanadta ich lubim, pavažajem i zachaplajemsia imi, kab vystavić ich takoj ryzycy.
My lohka znajšli ŭsio, što nam treba było viedać pra biełaruskuju pavietranuju abaronu, u internecie (u Vikipiedyi), i apisańnie paŭsiul było adnolkavaje: niefunkcyjanalny miechanizm, jaki najlepš prydajecca dla paradaŭ i zapałochvańnia cyvilnaha nasielnictva».
Švied cytuje byłoha ministra abarony Biełarusi Paŭła Kazłoŭskaha: «Režym prykładaje ŭsiu svaju enierhiju na toje, kab zrabić vyhlad, što pacyjent zdarovy, nie robiačy ničoha, kab jaho lačyć».
Kromveł nazyvaje Alaksandra Łukašenku «ŭzbrojenym kłoŭnam». Aŭtar lista zaklikaje: «Vaźmicie siabie ŭ ruki, pakul nia pozna. Vykarystajcie častku finansavych resursaŭ, jakija vy tracicie na KDB i vajskovyja parady, na toje, kab dapamahčy krainie vybracca ź finansavaha kryzisu».
Kromveł pałymiana vystupaje ŭ abaronu zatrymanych pa padazreńni ŭ dapamozie šviedam u pierasiačeńni miažy, jon zaklikaje «nie mučyć nievinavatych ludziej, što apynulisia pablizu». Jon taksama zajaŭlaje pra hatoŭnaść jašče raz pralacieć nad Biełaruśsiu, mahčyma, u časie čempijanatu śvietu pa chakiei?