U Maskvie prajšoŭ Marš miljonaŭ

Apazicyja ŭchvaliła «Manifiest svabodnaj Rasiei» z patrabavańniem adstaŭki Pucina.

12.06.2012 / 12:33

Na marš pratestu sabrałasia 50 tysiač čałaviek.

Ludzi suprać karumpavanaha režymu.

Lidar lavicy Udalcoŭ nie pajšoŭ na dopyt u Śledčy kamitet, pryznačany roŭnieńka na čas Maršu.

Manifiestacyja zhurtavała levych, pravych i nacyjanalistaŭ.

Ci mohuć być jeŭrapiejskija levyja z savieckim ściaham?

Narod adziny ŭ patrabavańni padspravazdačnaści ŭłady.

U časie Maršu Pucin vystupaŭ na pryjomie ŭ Kramli z nahody Dnia Rasii.

U Dzień Rasii apazicyja vyjšła na druhi Marš miljonaŭ. Arhkamitet Marša paviedamlaje, što na akcyju sabralisia da 50 tysiač čałaviek. Milicyja nazyvaje ličbu 18 tysiač udzielnikaŭ.

U kožnym razie, narod iznoŭ masava vyjšaŭ na vulicy Maskvy, kab skazać «nie» režymu Pucina.

Iznoŭ akcyja pratestu źjadnała apazicyju. Asobnymi kałonami, ale adnoj manifiestacyjaj iduć levyja i nacyjanalisty, libierały i prosta hramadzianie.

Levyja i nacyjanalisty padzialili bulvar z humaram: levyja zaniali levy bok, pravyja - pravy.

Udzielniki šeścia skandujuć: «Rasija budzie svabodnaj «.

Ludzi znoŭ prynieśli sotni samarobnych płakataŭ. Siarod udzielnikaŭ šeścia zaŭvažanyja muzyka Andrej Makarevič, kiraŭnik fondu «Horad biez narkotykaŭ» Jaŭhien Rojzman i lidar Isłamskaha kamiteta Rasii Hiejdar Džiemal.

Udzielnikaŭ šeścia prapuskali praz 52 mietaładetektary. Dla achovy paradku vyvieli 12 tysiač palicyjantaŭ.

Tym časam błohier Alaksiej Navalny, televiadučaja Ksienija Sabčak i adzin ź lidaraŭ apazicyjnaha ruchu «Salidarnaść» Illa Jašyn ŭ supravadžeńni advakataŭ źjavilisia na dopyt u Śledčy kamitet. Napiaredadni ŭ ich pieratreśli kvatery i ofisy. Pavodle infarmacyi śledčych, padčas pieratrusu na kvaterach u Sabčak i Jašyna skanfiskavali hrošy ŭ pamiery nie mienš za miljon jeŭra.