«Dastojnyja ludzi siadziać u zaścienkach, a palitviaźniaŭ vypuskajem»
Łukašenka siońnia praviadzie naradu pa pytańniach amnistyi.
12.06.2012 / 11:13
Siońnia Alaksandr Łukašenka praviadzie naradu pa pytańniach amnistyi. Padrychtavać prajekt zakona ab amnistyi Łukašenka publična rasparadziŭsia, vystupajučy sa štohadovym pasłańniem da naroda i parłamienta 8 maja.
Jon daručyŭ uradu raspracavać taki dakumient apieratyŭna, kab prymierkavać amnistyju da «hałoŭnaha dziaržaŭnaha śviata — Dnia niezaležnaści» (3 lipienia) «Ja ŭžo pra heta kazaŭ: dastojnyja ludzi pakutujuć ŭ zaścienkach, a niahodnikaŭ (palitviaźniaŭ) my vypuskajem — pad ciskam ci nie pad ciskam», — zajaviŭ Łukašenka.
23 maja ŭpraŭleńnie infarmacyi i hramadskich suviaziej MUS paviedamiła, što departamient vykanańnia pakarańniaŭ (DVP) padrychtavaŭ i ŭnios na razhlad Savieta ministraŭ prajekt zakona ab amnistyi, jaki ŭzhodnieny z usimi zacikaŭlenymi dziaržorhanami.
Pavodle papiarednich acenak, ź miescaŭ pazbaŭleńnia voli mohuć być vyzvalenyja kala 2,8 tys. čałaviek. Bolš čym 7 tys. asudžanych u ramkach amnistyi płanujecca skaracić na hod termin pakarańnia.
Kali prapanavany varyjant zakona budzie ŭchvaleny Łukašenkam,
to ŭžo ŭ lipieni na volu vyjduć niepaŭnaletnija, ciažarnyja žančyny, žančyny i adzinokija mužčyny, jakija majuć niepaŭnaletnich dziaciej, invalidy I i II hrup, chvoryja na ankałahičnyja zachvorvanni, udzielniki likvidacyi nastupstvaŭ katastrofy na ČAES i paciarpiełyja ad katastrofy na ČAES, a taksama vieterany bajavych dziejańniaŭ na terytoryi inšych dziaržaŭ.Akramia taho, ad pakarańnia mohuć być vyzvalenyja asoby, jakija ździejśnili złačynstvy, jakija nie ŭjaŭlajuć vialikaj hramadskaj niebiaśpieki, i złačynstvy, jakija adnosiacca da katehoryi mienš ciažkich, ale pry ŭmovie kampiensacyi naniesienaj škody.
Amnistyja, zhodna z prajektam zakona, nie raspaŭsiudžvajecca na tych, da kaho raniej prymianiaŭsia adpaviedny zakon. Nie padlahajuć amnistyi asoby, jakija nie pakryli škodu, pryčynienuju złačynstvam, i hramadzianie, jakija nie viarnulisia dziaržavie dachod, atrymany ad niezakonnaj pradprymalnickaj dziejnaści. Nie varta spadziavacca na vyzvaleńnie i tych, chto dapuściŭ asabliva niebiaśpiečny recydyŭ. Taksama nie vyjduć na volu tyja, chto nie kampiensavaŭ vydatki na dziaciej, jakija znachodziacca na dziaržaŭnym zabieśpiačeńni. Nie budzie pasłableńniaŭ i dla abvieščanych u vyšuk u suviazi z uchileńniem ad adbyvańnia pakarańnia pa prysudzie suda.
U DVP asabliva padkreślili: amnistyja nie raspaŭsiudžvajecca na asob, złosna parušajuć ustanoŭleny paradak adbyvańnia pakarańnia.
Heta budzie ŭžo