U Breście pabudujuć čatyrochzorkavy hatel Marriott
Hatelnaja sietka Marriott vyjhrała tendar.
29.05.2012 / 15:17
Tendar pravodziŭsia ŭ Bierlinie kampanijaj «MFB Devałapmient», inviestaram prajekta pa budaŭnictvu hatela ŭ centry Bresta. Miarkujecca,
što ŭ abłasnym centry budzie pabudavany čatyrochzorkavy hatel na 150 numaroŭ.
Mižnarodnaja kampanija na rynku haściničnych pasłuh Marriott International ŭvachodzić u lik najbujniejšych na dadzienym rynku. Va ŭpraŭleńni kampanii znachodzicca kala 3700 hatelaŭ, jakija pracujuć bolš čym u 70 krainach, numarny fond pieravyšaje 500 tysiač numaroŭ. Zasnavana ŭ 1927 hodzie mužam i žonkaj Džonam Uiłard i Elis Maryjot.
Hateli achoplivajuć praktyčna ŭsie nišy haściničnaha biźniesu, prapanoŭvajučy jak niedarahoje raźmiaščeńnie dla turystaŭ i biźniesmienaŭ, tak i pasłuhi fiešenebielnych hatelaŭ dla patrabavalnaj publiki.