Internet-trolu pahražajuć prakuraturaj za abraźlivyja kamientary pra biełaruskuju movu

Adzin z čytačoŭ błoha Hrodno s13 ubačyŭ u kamientarach prykmiety raspalvańnia mižnacyjanalnaj varožaści.

23.05.2012 / 15:43

Adzin z naviednikaŭ papularnaha błoha Hrodno s13 paabiacaŭ źviarnucca ŭ prakuraturu, kali inšy čytač sajta nie pierastanie pakidać abraźlivyja kamientary.

Naviednik jendrus cytuje artykuł №130 «Raspalvańnie rasavaj, nacyjanalnaj abo relihijnaj varožaści ci roźni» Kryminalnaha kodeksu i pryvodzić prykłady abraźlivych kamientaroŭ, jakija pakinuŭ karystalnik pad nikam Krauche.

Čaściej za ŭsio padobnyja kamientary jon pakidaje pad artykułami pra biełaruskuju movu i kulturu, ci prosta pad biełaruskamoŭnymi tekstami.

«Kali dadzieny karystalnik budzie praciahvać u tym ža duchu — ja nie palanujusia, źviarnusia z zajavaj u prakuraturu. Hałasy ŭ padtrymku možacie pakidać u kamientarach», — paabiacaŭ jendrus.