Tuarehi abviaścili niezaležnaść svajoj dziaržavy

06.04.2012 / 09:54

Paŭstancy z Nacyjanalnaha ruchu vyzvaleńnia abviaścili niezaležnaść Azavada — rehijona ŭ paŭnočnaj častcy Mali, paviedamlaje Al Arabiya sa spasyłkaj na sajt ruchu.

«Ad imia svabodnych i śmiełych ludziej Azavada i paśla kansultacyj z Vykanaŭčym kamitetam, revalucyjnaja rada, kansultacyjnaja rada, pravincyjnyja adździaleńni, načalnik štaba Nacyjanalna-vyzvalenčaj armii… my vyrašyli siońnia kančatkova abviaścić niezaležnaść Azavada», — havorycca ŭ zajavie ruchu. U im taksama zhadvajecca pra «pryznańnie» i «pavahu» paŭstancaŭ da miežaŭ susiednich krain i ich prychilnaści da «poŭnaha ŭdziełu ŭ AAN».

Paŭstancy taksama abiacajuć zabiaśpiečyć biaśpieku i pačać farmavańnie dziaržaŭnych instytutaŭ, što pavinna pryvieści da źjaŭleńnia «demakratyčnaj kanstytucyi niezaležnaj dziaržavy».

Ruch taksama zaklikaŭ «mižnarodnuju supolnaść biez pramarudžvańnia pryznać Azavad» i zajaviŭ, što praciahnie kiravać «spravami Azavada da pryznačeńnia aficyjnaha nacyjanalnaha orhana ŭłady».

Niepryznanyja dziaržavy funkcyjanujuć taksama na terytoryi Samali, Hruzii, Małdovy, Kipra, Azierbajdžana. U apošnija dziesiacihodździ suśvietnaja supolnaść vyznała niezaležnaść Erytrei, Paŭdniovaha Sudana, Tymora, Kosava, jakija da taho nie isnavali ŭ vyhladzie asobnych dziaržaŭnych adzinak.

MB