Bolšaść zatrymanych u Minsku aktyvistaŭ ruchu «Ježa zamiest bombaŭ» adpuścili

15 čałaviek trapili na Akreścina.

25.03.2012 / 08:53

Kala 100 aktyvistaŭ mižnarodnaha ruchu «Ježa zamiest bombaŭ (Food Not Bombs) zatrymanyja ŭ Minsku ŭviečary 24 sakavika.

U subotu ŭ Pałacy kultury Minskaha traktarnaha zavoda płanavaŭsia dabračynny kancert u padtrymku hetaj mižnarodnaj inicyjatyvy. Adnak pierad pačatkam kancertu, u 19.00, u zału ŭvarvałasia hrupa bajcoŭ śpiecnaza. Ludzi, jakija sabralisia maładyja ludzi byli zatrymanyja biez tłumačeńnia pryčyn. Dziaŭčat dastavili ŭ UUS Partyzanskaha rajona, chłopcaŭ — u Centralny RUUS.

Paśla 22,00 dziaŭčat pačali adpuskać z UUS.

Papiarednie ich prymusili napisać tłumačalnyja i prajści daktyłaskapiju. Vyzvalenyja ŭsie dziaŭčyny akramia Aleny Dubovik, na jakuju składzieny administracyjny pratakoł.
U čym jaje abvinavačvajuć, nieviadoma. Da suda, jaki adbudziecca miarkujecca, u paniadziełak, jaje buduć trymać u centry izalacyi pravaparušalnikaŭ na Akreścina.

Paźniej pačali vypuskać maładych ludziej. Vyśvietliłasia, što padstavaj dla ich zatrymańnia stała «pravierka na najaŭnaść ŭžyvańnia i raspaŭsiudžvańnia narkatyčnych srodkaŭ», — takaja aficyjnaja viersija.

Pa źviestkach pravaabaroncaŭ, padčas dastaŭki zatrymanych u RUUS supracoŭniki milicyi ŭžyvali fizičnuju siłu.

Mižnarodny ruch «Ježa zamiest bombaŭ» prapahanduje pryncypy uzajemadapamohi, salidarnaści, baraćby za sacyjalnuju spraviadlivaść.

Naprykład, jaho aktyvisty biaspłatna razdajuć ježu tym, chto ŭ joj maje patrebu.

Pravaabaroncy adznačajuć, što mienavita ŭ Biełarusi aktyvisty pastajanna adčuvajuć cisk z boku pravaachoŭnych orhanaŭ. Tolki za minuły hod milicyja niekalki razoŭ zryvała akcyi pa razdačy biaspłatnaj ježy. Ludziej, jakija razdavali haračyja sup ci kašu, zatrymlivali biez usialakich na toje padstaŭ. Tak, minułaj zimoj supracoŭniki milicyi i śpiecnaza sarvali dabračynnuju akcyju pa razdačy biaspłatnaj ježy ŭ Michajłaŭskim skviery stalicy, va ŭdzielnikaŭ akcyi byli pierapisanyja pašpartnyja dadzienyja.