«Kaljannaja» Ivana Muraŭjova

Pakul miedyki chapajucca za hałavu, kiraŭnik minskaj «Kaljannaj №1» adčyniaje ŭstanovu za ŭstanovaj.

24.03.2012 / 16:37

Ivan Muraŭjoŭ nie tolki inšym prapanuje, ale i sam kuryć kaljan.

Dym staŭbom - kaljannaja.

Kaljan vs cyharety

Adrazu papiaredzim: kaljan — heta daloka nie «zdarovaja» alternatyva cyharetam, jak mierkavałasia raniej. Chutčej naavarot. Pra škodu cyharet čuli ŭsie. A za «sieans» kaljana lohkija čałavieka prahaniajuć ŭ sotni (!) razoŭ bolš dymu, čym ad adnoj skuranaj cyharety.

Spačatku miedyki kazali, što

1 kaljan pa škodnym ŭździejańni paraŭnalny z 1000 cyharet.

Paźniej, praŭda, heta ličba źniziłasia da 60 štuk. Ale navat u takim vypadku, ujavicie, što ciaham hadziny-druhoj vy vykuryli ažno 3 pački cyharet.

Staličny kaljanny huru Ivan Muraŭjoŭ skieptyčna stavicca da takich raźlikaŭ. Tak, kuryć škodna. Ale surjoznych navukovych abhruntavańniaŭ, kab paraŭnoŭvać kaljan z n-naj kolkaściu cyharet, nie było, kaža Ivan.

Jak źjaviłasia «Kaljannaja № 1»?

Da kanca 90-ch hadoŭ kaljan byŭ u «śpisie nieŭjaznych» tavaraŭ na terytoryju Biełarusi. Razam z narkotykami, vybuchoŭkaj, zbrojaj i jadachimikatami.

Pieršy kaljan u Minsku źjaviŭsia ŭ 2002 hodzie ŭ «Banana-kafe» (što ŭ Trajeckim pradmieści).

Tady Muraŭjoŭ sa svaim siabram-ciozkaj Maślukovym (stvaralnikam sietki haradskich hulniaŭ «Enkaŭntar») upieršyniu pasprabavaŭ ekzatyčnuju pryładu dla kureńnia.

Praź niejki čas Muraŭjoŭ nabyŭ sabie «šyšu» (jak jašče nazyvajuć kaljan). Potym — jašče adnu. Praz paŭhoda ŭ kvatery Ivana było ŭžo 10 kaljanaŭ.

Tak i źjaviłsia ideja adčynić kaljannuju.

Ažyćciavić svaju maru biez vopytu i finansaŭ (tady jon pracavaŭ žurnalistam na radyjo «Minsk») było nierealna. Pastupova

Muraŭjoŭ znajomicca ź ludźmi, što zavozili kaljany ŭ Biełaruś, naładžvaje kantanty z «akułami» restarannaha biznesu.

Nie zahłyblajučysia ŭ akaličnaści spravy,

kab adčynić ustanovu hramadskaha charčavańnia, treba było zapłacić za prava arendy pamiaškańnia kala 100 tysiač dołaraŭ.

Muraŭjoŭ razumieŭ, što nie paciahnie. I znajšoŭ bolš tannuju alternatyvu — kaljanny kiejterynh. Maci dapamahła adkryć svaju firmu. Tak Ivan ź siabram stali akazvać restaranam pasłuhi pa pradastaŭleńni ŭ arendu kaljanaŭ (z absłuhoŭvajučym piersanałam).

Pieršym klijentam staŭ restaran «7 pakojaŭ». Jaho ŭłaśnik, Pavał Pałonski, pavieryŭ chłopcam. I nie prahadaŭ: kaljan rabiŭsia mejnstrymam, cikavaść da jaho rasła.

Narešcie, Muraŭjoŭ znajomicca ź jašče adnym upłyvovym restarataram — Alaksandram Astrašeŭskim (jamu naležać «Stary Miensk», «Łondan», «Hrunvald»

i inšyja ŭstanovy). Toj prapanavaŭ zdać dvum Ivanam pamiaškańnie pad kaljannuju.

Tak u śniežni 2010 hoda na Karła Marksa, 33 źjaviłasia «Kaljannaja № 1». Jak kaža Muraŭjoŭ, heta ŭstanova chutčej nahadvaje kłub. Stałych naviedvalnikaŭ tut — 40–50%. Siarod ich — muzyka Uładzimir Puhač (hurt J-Mors), televiadučy Aleh Citkoŭ (prahrama «Vriemiečko»), inšyja «miedyjščyki», siabry Ivana.

(Muraŭjoŭ peŭny čas pracavaŭ na STB, zatym — nie Biełsacie, ź jakim nieŭzabavie płanuje novy prajekt). Takaje «bahiemnaje» miesca dla ŭsich.

Viasnoj 2011 hoda «Kaljannaja» straciła pastajannaha klijenta palityka Alesia Michaleviča (prynamsi, na peŭny čas). Viadoma, što jon vialiki znaŭca i amatar kaljana. Navat znachodziačysia ŭ «amierykancy», Michalevič, zhadžajučysia na supracoŭnictva z KDB, zaprašaje śledčaha na kaljan za svoj košt.

Pa čym «pakuryć»?

Smak kaljanu zaležyć ad składnikaŭ: vodaru tabaki, jakaści vuhalu i taho, što zalita ŭ kołbu: vada, małako, vino ci navat koka-koła. Heta ŭsio robić kaljan polem dla ekśpierymientaŭ.

Zvyčajny kaljan na vadzie kaštuje 83 tysiačy. Na małace — 91 tysiača. Na «frukcie» — 130 tysiač.

U apošnim vypadku zamiest hlinianaj šklanki tytuń vam pakładuć u jabłyk ci hrejpfrut. Adnojčy Muraŭjoŭ zabyŭsia šklanku i vykarystaŭ dla hetaha piečanuju bulbu. Kaljan «Mieduza» (českaj vytvorčaści) abydziecca ŭ 350 tysiač.

Jašče adna «fiška» — kaljan na ałkaholi. U kołbu z vadoj (jakaja adyhryvaje tuju ž rolu, što filtr u cyharetach) zalivajuć ałkaholny napoj na vybar. Praŭda, vopytnyja kaljanščyki, kažuć, što heta prydumka rasiejskaha čałavieka i admoŭna staviacca da takoj samadziejnaści.

U mieniu «Kaljannaj» — kala 20 smakaŭ tytuniu — ad raznastajnych fruktaŭ da kavy i karycy. Uvohule isnujuć i bolš dziŭnyja smaki, naprykład, časnaka i ahurka.

Muraŭjoŭ sprabavaŭ i sam vyrablać kaljany.

Zamiest kołbaŭ u ich hlinianyja harški. I nazvu prydumaŭ adpaviednuju, «biełaruskuju»: «kaljan-chata».

Niadaŭna ŭ Hrodnie adkryłasia «Kaljannaja № 4», filija minskaj.

Na hetym Ivan spyniacca nie źbirajecca. Na čarzie — Mahiloŭ, Homiel, Brest. U pierśpiektyvie — vychad za miažu — u Maskvu i Kijeŭ. «Kaljannaja numar N», jak ni dziva, moža stać ekspartnym brendam.

Aksana Rudovič