Raśliny mohuć havaryć

Navukoŭcy padhledzieli, jak kalivy razuchi padajuć sihnały adno adnomu.

07.02.2012 / 19:28

Navukoŭcy univiersiteta horada Eksieter ŭ Vialikabrytanii zdoleli padhledzieć, jak harodnina «kamunikuje». Pra heta paviedamlajecca na sajcie univiersiteta.

Brytanskija daśledniki praviali raniej viadomy ŭ navucy vopyt na razusie Tala — raślinie ź siamiejstva kryžakvietnych.

Liście adnoj z raślin nadrezali, u vyniku čaho razucha vypuściła haz, papiaredžvajučy susiednija niepaškodžanyja parastki ab niebiaśpiecy. Tyja, u svaju čarhu, zapuścili ŭnutranyja miechanizmy abarony.

Navukoŭcy adznačyli, što

unikalnaść ich ekśpierymientu zaklučajecca ŭ dadavańni da hazu fatafornaha hienu śvietlačka.

Ekśpierymient byŭ praviedzieny śpiecyjalna dla spaznavaŭčaha sieryjała «Bi-Bi-Si» How to Grow a Planet («Jak vyraścić płanietu»).

Kadry, jak raśliny abmieńvajucca infarmacyjaj, možna budzie ŭbačyć u efiry telekanała BBC2, a 23.00 7 lutaha.

* * *

Razucha Tala (Arabidopsis thaliana łac.) — raślina siamiejstva kryžakvietnych (abo kapusnych). Nievialikaja kvietkavaja raślina, jakaja raście ŭ Jeŭropie, Azii i na paŭnočnym zachadzie Afryki. Z pryčyny adnosna karotkaha hadavoha cykłu raźvićcia źjaŭlajecca zručnym madelnym arhanizmam u bijałahičnych daśledavańniach.

Vykarystoŭvajecca ŭ vopytach jašče i tamu, što jaje hienom, najkaraciejšy siarod kvietkavych raślin, rasšyfravany.

U Biełarusi razucha Tala nie raście. Zatoje traplajucca jaje svajaki: razuchi Žerara, strełkapadobnaja, pavisłaja, alpijskaja i kaŭkazskaja.