Атамная станцыя расстраляная. "Газпрам" - наступны?
Тэлевізія, 24 студзеня 2007, БТ, 22.10
Пасьля сьмерці дачкі, якая сканала ад раку, легіянэр адстрэльвае кіраўнікоў атамнай станцыі...
24.01.2007 / 08:16
Дачка легіянэра памерла ад раку, выкліканага радыяцыяй. Жонка з гора павесілася. Былы легіянэр Волькер Брэц бярэ дубальтоўку - і пачынае адстрэльваць кіраўнікоў атамнай станцыі. Чыноўнікі й паліцыя ў шоку. Для паімкі ашалелага забойцы выклікаюць вайскоўца Фрэнка Гектара, які калісьці й навучыў мсьціўцу снайпэрскаму майстэрству.
Годны нямецкі трымценьнік з абавязковымі (хаця й прадказальнымі) тайнамі, змовамі - і сацыяльнаю крытыкай. Крытыка, згодна зь нямецкімі нормамі, вастрэйшая за амэрыканскую, але гэта не адмяняе трымценнага жанру. Дэніс Хопэр у ролі Фрэнка Гектара, як заўжды, ідэальны.
Атамнае лобі - на экране, і ў жыцьці - незадаволенае. Але ў зьвязку з апошнімі падзеямі варта чакаць трымценьніка пра газавую трубу.
Нямеччына, 1999, каляровы, 88 хв.
Рэжысэр: Томас Бон
Ролі выконваюць: Дэніс Хопэр, Хайна Фэрч, Каця Флінт, Ханелор Хогер, Юрген Шарнагель, Ульрых Мюэ, Бэрнгард Бэтэрман
Жанр: Трымценьнік
Адзнака: 5,5 (з 10)