Statkievič: Pa «Našu Nivu» ŭ atradzie čarha

30.08.2011 / 16:46

U redakcyju pryjšło list ad palitviaźnia, eks-kandydata ŭ prezidenty Mikoły Statkieviča.

«Amal paŭhoda nie mieŭ mahčymaści čytać Vašuju hazietu i sumavaŭ pa joj. Chacia viedaju, što ŭvieś hety čas hazieta vypisvałasia na mianie, jak i na inšych „paŭstancaŭ“.
Jość u mianie padazreńnie, što ciešča načalnika „amierykanki“ handlavała prysvojenymi im hazietami kala Kamaroŭki. Ale jak dakazać?

Zaraz ja atrymoŭvaju až dźvie „Našy Nivy“ i heta dobra, bo na Vašuju hazietu ŭ atradzie ŭ mianie čarha. I kab atrymać prefierencyi ŭ hetaj čarzie, kalehi pa baraku pačali davodzić mnie, što ich svajaki na voli hałasavali vyklučna za mianie:) Vieru im.

Asobnaje pryvitańnie Andreju Dyńko. Jahony list da mianie ŭ „amierykanku“ byŭ adzinym za paŭhoda listom, atrymanym mnoj nie ad svajakoŭ. Ja adkazaŭ jamu, ale, hledziačy pa ŭsim, moj adkaz da jaho nie dajšoŭ. Na žal, jaho prapanova dasyłać u Vašuju hazietu maje ŭspaminy ab padziejach pačatku 90-ch, vyhladaje nierealizujemaj. Jak mnie tut ščyra skazali, hetyja materyjały adsiul nie vyjduć. Tak što, pačakajem lepšych časoŭ».

nn.by