Немагчымы бацька
"Магчыма". Фантастычная драма Сэдрыка Кляпіша
Мэлядраматычна-нестандартныя гульні з машынай часу. Жан-Поль Бэльмандо і тузэмны Парыж.
29.12.2006 / 14:29
"Магчыма" (Peut-etre)
Францыя, 1999, каляровы, 109 хв.
Рэжысэр: Сэдрык Кляпіш.
Ролі выконваюць: Жан-Поль Бэльмандо, Рамэн Дзюры, Жулі Дэпард’ё, Жэральдзін Пэляс
Жанр: Фантастычная драма.
Адзнака: 5 (з 10)
31 сьнежня 1999 г. Арцюр не жадае мець дзяцей, але празь дзірку ў столі трапляе ў будучыню. Там па вуліцах блукаюць вярблюды, парыжане апранутыя, як бэдуіны, а навязьлівы стары (Бэльмандо) набіваецца Арцюру ў сыны. "Нованароджаны" стары сын са сьлязамі моліць Арцюра пасьпяшыць з зачацьцем – а заадно наведаць сям’ю сваіх унукаў і праўнукаў...
Мэлядраматычна-нестандартныя гульні з машынай часу. Прадчуваньне цывілізацыйнай катастрофы.
Намінацыя на прэмію "Сэзар" за найлепшы дызайн касьцюмаў.