Шпег за жалезнай заслонай
БТ, 26 сьнежня 2006, 22.10
Фільм пра тое, як Шэран Стоўн закахалася ў савецкага разьведчыка.
26.12.2006 / 18:26
«Двайны агент» (A Different Loyality)
Вяликабрытанія – ЗША, 2004, каляровы, 96 хв.
Рэжысэр: Марэк Канеўска
Ролі выконваюць: Шэран Стоўн, Рупэрт Эвэрэт, Майкл Кахрэйн, Джым Підак.
Жанр: Лірычна-шпегаўская драма.
1950-ыя. Бэйрут. Амэрыканка Салі закаханая ў прыгажуна Леа, які становіцца ейным мужам. Але нейзабаве Леа зьнікае – і гераіня даведваецца, што ён быў патаемным агентам КГБ, і цяпер жыве ў СССР. Употайкі ад адмысловых службаў гераіня прыяжджае ў Маскву, каб знайсьці мужа. Барацьба жанчыны з выведкамі непазьбежная...
Галівудзкая драма, заснаваная на сапраўдных падзеях. Прататыпам героя паслужыў легендарны агент Кім Філбі, які ўцёк у краіну Саветаў. Запрошаны на галоўную ролю Рупэрт Эвэрэт глядзіцца вельмі адмыслова ў ролі жаночага спакушальніка.