Kitajskija hrošy
Na rachunak Nacyjanalnaha banka Biełarusi, adkryty ŭ Narodnym banku Kitaju, zaličany 6 miljardaŭ juaniaŭ, što ekvivalentna 900 miljonam dalaraŭ ZŠA.
25.11.2010 / 17:27
Na rachunak Nacyjanalnaha banka Biełarusi, adkryty ŭ Narodnym banku Kitaju, zaličany 6 miljardaŭ juaniaŭ, što ekvivalentna 900 miljonam dalaraŭ ZŠA.
Pra heta paviedamiła ŭpraŭleńnie infarmacyi Nacbanku, zaznačajučy, što pieraličeńnie «stanoŭča paŭpłyvaje na abjom mižnarodnych reziervovych aktyvaŭ Respubliki Biełaruś».
U sakaviku 2009 h. hałoŭnyja banki dźviuch krain zaklučyli pahadnieńnie ab praviadzieńni valutnaj ździełki «svop» (abmien aktyvami) dla sadziejničańnia dvuchbakovamu handlu i inviestycyjam. Pamier hetaj ździełki — 20 miljardaŭ juaniaŭ.
Kandydat u prezidenty, kiraŭnik centra Mizesa Jarasłaŭ Ramančuk tak kamientuje hetaje paviedamleńnie:
«Heta tyja hrošy, jakija biełaruski bok moža skarystoŭvać na kuplu vyklučna kitajskich tavaraŭ. Bo chto ž jašče handluje za juani? Heta krok dla taho, kab zrabić bolš pryvabnym handal pamiž dźviuma krainami, źniać barjery, jakija isnujuć u płaciožnym bałansie. I kab nie vykarystoŭvać, naprykład, dalary albo jeŭra ci niejkuju inšuju valutu.
Heta — dobra.
Ale ž heta čysta techničnaja miera.
I tamu jaje nielha razhladać jak kitajskuju dapamohu Biełarusi kredytam albo dapamohu ŭ zabieśpiačeńni finansavaj stabilizacyi».