Ryhor Kastusioŭ: Zdymać Łukašenku rukami Maskvy — niebiaśpiečna
Kandydat u prezidenty ad Partyi BNF prapanuje inšym udzielnikam kampanii padpisać «Manifiest ab abaronie nacyjanalnych intaresaŭ».
23.08.2010 / 17:33
Kandydat u prezidenty ad Partyi BNF Ryhor Kastusioŭ prapanuje inšym udzielnikam kampanii padpisać «Manifiest ab abaronie nacyjanalnych intaresaŭ».
Tekst manifiestu byŭ razasłany zakaznymi listami ŭsim astatnim kandydatam na prezidenckaje kresła. Siarod inšaha, u manifieście adznačajecca, što «nacyjanalnym intaresam Biełarusi adpaviadaje chutčejšaje adchileńnie ad pasady Alaksandra Łukašenki». Razam z tym, Partyja ŭśviedamlaje, što niebiaśpieka «sychodzić nie tolki ad režymu, ale i ad najvyšejšych kołaŭ Rasii».
U vypadku prychodu da ŭłady kandydat pavinien haranatavać vychad Biełarusi z Mytnaha sajuza i ADKB, vyvad rasijskich vajskovych bazaŭ z krainy.
«Našy słovy ab zmahańni na dva franty paćviardžajucca, — kaža R.Kastusioŭ. — Zdymać Łukašenku rukami Maskvy — niebiaśpiečna. Rasija pačała pošuk siłaŭ, na jakija mahła b abapiercisia ŭ Biełarusi. Pazicyja prosta suprać Łukašenki słabaja, treba viedać, za što my».
Na dumku Kastusiova, na vybarach budzie dva błoki — «psieŭdademakratyčny», blizki da Kramla, i nacyjanał‑demakratyčny. Beenefaŭcy ličać: paśla padpisańnia manifiesta i stanie jasna, da jakoha błoka adyduć tyja ci inšyja palityki.
Ryhor Kastusioŭ zaznačyŭ, što ciapier u jahonuju inicyjatyŭnuju hrupu ŭžo ŭvajšło krychu bolš za tysiaču čałaviek, a da vybaraŭ hetaja ličba ŭzraście da dźviuch tysiač.