Aleh Voŭčak: Mnie prapanoŭvali materyjały spravaŭ Bajkovaj za 50 tysiač dalaraŭ
Niaŭžo ŭ MUS ci KDB źjavilisia novyja praciŭniki Łukašenki?
23.08.2010 / 10:26
Źjaŭleńnie ŭ «Chrosnym baćku» kadraŭ dopytaŭ, što pravodziła śledčaja Śviatłana Bajkova, skandalnyja. Pa idei, hetaje videa pavinna znachodzicca ŭ sakretnych materyjałach kryminalnaj spravy. Tym nie mienš, jano stała dastupnym dla hledačoŭ NTV. Adkul hetaje videa zmahło źjavicca ŭ televizijnikaŭ? Niaŭžo ŭ MUS ci KDB źjavilisia novyja praciŭniki Łukašenki? Z hetym pytańniem my źviarnulisia da byłoha śledčaha Aleha Voŭčaka.
«Dastatkova šmat ludziej zajmałasia spravami pra kantrabandu na miažy. Pa maich źviestkach, materyjały spravy jość jak minimum u piaci supracoŭnikaŭ śledčych orhanaŭ.
Kali sprava tolki pačynałasia, to mnie prapanoŭvali nabyć usie materyjały ab karupcyi, jakija rasśledavała Bajkova. Pastavili za heta canu 50 tysiač dalaraŭ.U mianie takich hrošaj, naturalna, nie było.
Viedajecie, usie hučnyja spravy jość u niekalkich kopijach. Toje samaje pa spravach źnikłych palitykaŭ. Śledčyja, jak i apieratyŭniki, pierastrachoŭvajucca. Jak ja zrazumieŭ padčas zdymak „Chrosnaha baćki“, heta nie apošnija materyjały, jakimi vałodaje NTV. Takija materyjały jość šmat u kaho ŭ słužbovym karystańni, tamu dakapacca, ad kaho jany trapili da rasijan, budzie ciažka».