Saakašvili na BT daŭ adłup za «Chrosnaha Baćku»
dzie biełaruskaha kiraŭnika «ledźvie nie ŭ kanibaliźmie abvinavačvajuć».
15.07.2010 / 23:02
Uviečary 15 lipienia Pieršy nacyjanalny kanał pakazaŭ intervju z prezidentam Hruzii Michaiłam Saakašvili. Adpačatku hruzinski lider pryznaŭsia, što Hruzija maje vializnyja simpatyi da biełaruskaha narodu. «Nasamreč, kali jość niejkaja jeŭrapiezavanaja nacyja, dyk heta Biełaruś,« — zaŭvažyŭ Michaił Saakašvili.
Kali hutarka pierajšła da pryznańnia Biełaruśsiu Abchazii i Paŭdniovaj Asiecii, Saakašvili vykazaŭ mierkavańnie, što Rasija nie maje prava cisnuć na Biełaruś pa hetym pytańni. «Zaraz śviet havoryć pra akupavanyja Rasijaj našy terytoryi. Na maju dumku, rasijski narod absalutna nie zasłuhoŭvaje, kab praz ambicyi kiraŭnictva jaho nazyvali akupantam. Spadziajusia, Biełaruś pastupić mudra».
Pra adnosiny z Rasijaj Saakašvili zajaviŭ, što Hruzija ŭvieś čas choča iści nasustrač, ale Maskva patrabuje novych i novych sastupak. Saakašvili abvinavaciŭ Rasiju ŭ impierskich zamaškach: “Dumaju, što situacyja dastatkova znajomaja dla ŭsich astatnich susiedziaŭ Rasiei, jakaja hatovaja razmaŭlać sa svaim susiedam tolki šlacham cisku i šantažu, pahražajučy, što nam budzie horš”.
Saakašvili nazvaŭ siabie, mahčyma, apošnim lideram Hruzii, jaki moža volna cytavać Puškina, Jasienina i Brodskaha, bo ŭ vyniku ciapierašnich padziej novaje kiraŭnictva Hruzii zusim budzie nie razumieć Rasii. «Prymušaju syna vučyć rasijskuju movu, ale jon kaža, što heta jamu nidzie nie spatrebicca».
Na pytańnie viadučaha adnosna ściaha Jeŭrasajuza pobač sa ściaham Hruzii i palityčnaha kirunku krainy Saakašvili adkazaŭ, što ŭ Jeŭropie nie ŭsio idealna, ale jeŭrapiejskija kaštoŭnaści važnyja dla hruzinskaha naroda.
Centralnaj častka intervju stała tema rasijskaha infarmacyjnaha cisku na Łukašenku, i
hruzinski lider pryznaŭsia, što «vypadkova bačyŭ», jak rasijskija kanały biełaruskaha kiraŭnika «ledźvie nie ŭ kanibaliźmie abvinavačvajuć». «Kali syplucca ŭsialakija abvinavačvańni, ledźvie nie ŭ kanibaliźmie abvinavačvajuć biełaruskich dziejačaŭ, i heta robicca z toj krainy, dzie niadaŭna zabili čałavieka, jakoha ja vielmi pavažaŭ, Hannu Palitkoŭskuju, i zabojcy nie znojdzienyja, a na Paŭnočnym Kaŭkazie dziasiatki tysiač ludziej prosta źnikli… I raptam znajšli, što ŭ 90-ch hadach ludajedy raźvialisia ŭ Miensku – viadoma ž heta sumna. Heta maje peŭny prysmak prapahandysckaj vajny».Razam z tym hruzinskamu prezidentu ciažka ujavić, čamu Biełaruś źjaŭlajecca prablemaj dla Rasii. «Praŭda ŭsio adno znojdzie svoj šlach», — padvioŭ rysu kiraŭnik Hruzii.Rasija maje značna bolšyja prablemy sa źniknieńniem ludziej, miarkuje hruzinski lider.
«My kraina załatoha runa i vina — my histaryčnaja asnova Jeŭropy, — upeŭnieny hruzinski lider. — Ciaham dvuch hadoŭ Hruzija atrymaje bieźvizavy režym u adnosinach ź Jeŭrasajuzam».
Što tyčycca Biełarusi, dyk, na dumku Saakašvili, jana nie tolki pavinna hladzieć u bok jeŭrapiejskaha šlachu, jana i jość Jeŭropa.