Uzor novaha paśviedčańnia kiroŭcy praktyčna hatovy + fota
24.06.2010 / 14:21
Uzor novaha vadzicielskaha paśviedčańnia praktyčna hatovy. Pra heta paviedamiŭ žurnalistam 24 červienia ministr unutranych spraŭ Biełarusi Anatol Kulašoŭ.
Dakumient budzie ŭjaŭlać saboj
płastykavuju kartku z fatahrafijaj, proźviščam, imiem i imiem pa baćku ŭładalnika, numaram paśviedčańnia, ukazańniem orhana ŭnutranych spraŭ, jaki vydaŭ pravy, katehoryj transpartnych srodkaŭ, dazvolenych da kiravańnia.
Čakajecca, što paśviedčańni novaha ŭzoru ŭ Biełarusi pačnuć vydavać u listapadzie—śniežni 2010 hoda. Raniej płanavałasia, što hety praces budzie zapuščany ŭ lipieni. Pieranos terminaŭ źviazany z techničnym bokam pytańnia, heta značyć vytvorčaściu i vydačaj dakumientaŭ.
Nahadajem, nieabchodnaść uviadzieńnia novych vadzicielskich paśviedčańniaŭ vyklikana ŭstupleńniem u siłu 29 sakavika 2011 hoda papravak da Jeŭrapiejskaj kanviencyi ab darožnym ruchu 1968 hoda.
Pieršymi novyja paśviedčańni atrymajuć tyja, chto paśpiachova zavieršyć navučańnie ŭ aŭtaškołach, i kiroŭcy-dalnabojščyki.