Palestynskaja fłatylija i łubočnyja karcinki pra «złobnuju izrailskuju vajenščynu»

Mižnarodnaj hramadskaj dumcy plavać na detali, ale vobraz «izrailskaja vajenščyna pa-piracku napała na biezabaronnuju humanitarnuju fłatyliju, patapiła dziasiatki karablej i zabiła sotni ludziej» užo apanavaŭ hałovy socień tysiač ludziej u śviecie

01.06.2010 / 14:29

U žurnalistaŭ jość takaja schilnaść zvadzić apisańnie niejkaje naviny ŭ hałavie ludziej da peŭnaha naboru zvykłych karcinak i vobrazaŭ.

Rasijskaja prapahanda ŭ časie rasijska-hruzinskaj vajny 2008 h. sprabavała spravakavać vobraz «złobnaja hruzinskaja vajenščyna atakavała mirna śpiačy Cchinvali, zabityja tysiačy ludziej», ale spracavała heta tolki na ŭnutranuju aŭdytoryju. Zachodniaja aŭdytoryja kudy praściej uspryniała zvykły za dziesiacihodździ Chałodnaj vajny vobraz «rasijskaja impieryja atakuje maleńkuju biezabaronnuju dziaržavu».

Padobnaje majem i z učorašniaj bitvaj pamiž izrailskim śpiecnazam i ludźmi z pravaabarončaj fłatylii la bierahoŭ Hazy.

Mižnarodnaj hramadskaj dumcy plavać na detali, ale vobraz «izrailskaja vajenščyna pa-piracku napała na biezabaronnuju humanitarnuju fłatyliju, patapiła dziasiatki karablej i zabiła sotni ludziej» užo apanavaŭ hałovy socień tysiač ludziej u śviecie.

Pro-palestynskija «pravaabaroncy» imhnienna vylilisia na vulicy jeŭrapiejskich stalicaŭ, palać ściahi, kryčać niešta ahresiŭnaje.

Što było nasamreč?

Błakada sektara Haza, kantralavanaha radykalnym isłamskim rucham Chamas, ažyćciaŭlajecca nie tolki Izrailem, ale taksama i arabskim Jehiptam,

jaki maje suchaputnuju miažu z terytoryjaj. Kipr nie dazvoliŭ karablam, nacelenych na Hazu, zachodzić u svaje porty. Pierad tym, jak zatrymać karabli, izrailcianie prapanavali im nudna iści ŭ izrailski port i adtul śledvać pa ziamli ŭ Hazu. Ale tyja admovilisia:

Izrailcianie kažuć, što pavodle mižnarodnaha prava mieli prava zatrymać karabli, jakija płyli ŭ zabłakavany Siektar Haza, u tym liku ŭ nieŭtralnych vodach. Turki ŭ adkaz tolki lamantujuć pra kryvavy izrailski dziaržaŭny teror.

Paśla papiaredžańniaŭ, izrailcianie pačali vysadku na karabli. Kamandas byli ŭzbrojenyja pistaletami i, uvaha, zbrojaj dla pejntboła (vidno na videa).

Izrail nie «atakavaŭ karavan z šaści karablej», jak pišuć ŚMI. Izrailskija kamandas biaz boja vysadzilisia na piaci karablach, a na šostym, tureckim MV Mavi Marmara, tureckija isłamskija ekstremisty pačali čynić supraciŭ, uzbrojenyja nažami i mietaličnymi pałkami. Hladzicie videa z vysadki:

Izrailcianie, mahčyma, pieravysili miažu nieabchodnaj abarony i dakładna paddalisia na pravakacyju. Niekatoryja ŚMI pryvodziać słovy chamasaŭcaŭ napiaredadni incydenta pra toje, što

i dasiahnieńnie fłatylijaj Hazy, i jaje zatrymańnie budzie pieramohaj dla palestyncaŭ — u adnym vypadku materyjalnaj, u druhim — piaraŭskaj.

U lubym vypadku žachliva, što pahinuli ludzi. Ale samaja vialikaja pamyłka izrailcian u dadzienaj kankretnaj situacyi była dazvolić radykałam adabrać u žaŭnieraŭ ahniastrelnuju zbroju, pra što paviedamlali niekatoryja repartažy.

Kanflikt pamiž Palestynaj i Izrailam daŭno zajšoŭ u tupik. Adsutničajuć ahulnapryznanyja miežy, ahulnapryznany status Palestynskaj aŭtanomii, izrailskija pasieliščy praciahvajuć isnavać uhłybini palestynskaj terytoryi na Zachodnim bierazie Jardana. Za kožnym bokam idzie taki šlejf złačynstvaŭ adno suprać adnaho, što raźviazać hety vuzieł možna budzie chiba paśla niekalkich dziesiacihodździaŭ mirnaha žyćcia, jakoje tam dahetul nie nastupiła.

Palestyna-izrailski kanflikt badaj što nievyrašalny ŭ ramkach ustalavanaha paśla Druhoj suśvietnaj vajny sučasnaha suśvietnaha paradka. To bok takija rečy, jak učora, buduć praciahvacca da biaskoncaści.

upd: a voś ludzi na karable rychtujucca sustreć izrailskich kamandas ź mietaličnymi kijami, "rozačkami" z butelek i h.d.

Aleś Čajčyc