На трасе Мінск — Гомель згарэў бензавоз
Спынены рух на ўчастку трасы Мінск — Гомель праз разліў дызельнага паліва і загарання, паведамляе Магілёўская міліцыя.
10.01.2025 / 13:29
Інцыдэнт адбыўся 10 студзеня ў сярэдзіне дня каля вёскі Забалоцце ў Бабруйскім раёне
20-гадовы кіроўца бензавоза КрАЗ перавозіў дызельнае паліва. Едучы па 176-ым кіламетры аўтадарогі М-5 Мінск — Гомель, ён заўважыў загаранне задняй часткі свайго транспартнага сродку, пасля чаго з'ехаў на абочыну і спыніўся. У выніку здарэння ніхто не пацярпеў.
У сувязі з разлівам нафтапрадукту рух на дадзеным участку дарогі перакрыты. Аб'езд арганізаваны па аўтадарозе Р-43 граніца РФ — Крычаў — Бабруйск — Івацэвічы.