U Biełaruś pryjšoŭ novy kitajski brend aŭto z cenami ad 22 tysiač dalaraŭ
Kitajski aŭtapram praciahvaje ekspansiju na biełaruskim rynku. U Minsku na vulicy Cimirazieva, 114 pačalisia aficyjnyja prodažy aŭtamabilaŭ marki DFSK.
10.01.2025 / 13:44
Aŭto DFSK. Fota: Jandeks Karty / corp-gradsevenmotors27830
Brend DFSK pa kitajskich mierkach užo nie małady. Źjaviŭsia jon u 2003 hodzie, jak sumiesnaje pradpryjemstva Dongfeng i Seres Group.
U Biełarusi dasiažnyja try madeli: dva krasoviery i hruzavy furhon pad katehoryju «V».
Samy tanny aŭtamabil u liniejcy biełaruskaha dylera — kampaktny elektryčny krasovier Je3. Ceny na jaho pačynajucca z 22 tysiač dalaraŭ. Zajaŭleny vytvorcam zapas chodu — 405 kiłamietraŭ.
DFSK E3. Fota: Jandeks Karty / corp-gradsevenmotors27830
Nastupnaja madel — siamimiesny krasovier Je5, jaki źjaŭlajecca paśladoŭnym hibrydam. Ceny na hetuju madel pačynajucca z 23 500 dalaraŭ.
DFSK E5. Fota: Jandeks Karty / corp-gradsevenmotors27830
Samaja darahaja madel u liniejcy, dasiažnaj biełarusam, — celnamietaličny elekryčny furhon ES75 z hruzapadymalnaściu 1200 kiłahram. Ceny na jaho pačynajucca z 33 tysiač dalaraŭ.
DSSK ES75. Fota: skrynšot z sajta dfsk.com
Maksimalny zapas chodu ŭ zahružanym stanie składaje 310 kiłamietraŭ. Pamier hruzavoha adsieka — 7 «kuboŭ».