U Minsku zakryvajucca firmovyja kramy Columbia
Usie try kramy Columbia ŭ biełaruskaj stalicy buduć začynienyja ŭ najbližejšy čas paśla rasprodažu reštkaŭ pradukcyi. Pra heta raskazali vydańniu Office Life u adnoj z handlovych punktaŭ brenda.
09.01.2025 / 19:25
Fota: Jandeks-Karty
Da hetaha času ŭ Minsku pracavali try kramy hetaha brenda — u HC «Skała» na vuł. Piatra Hlebki, 5, u HC «Zamak» na praśpiekcie Pieramožcaŭ, 65 i ŭ HC Green City na Prytyckaha, 156.
Jak vyśvietliŭ Office Life, da 13 studzienia klijenty, u jakich jość karty łajalnaści sietki kram, zmohuć nabyć u luboj z hetych troch luboje adzieńnie sa źnižkaj u 40%. Mahčyma, hety termin padoŭžać da kanca studzienia.
Nie vyklučana, što paźniej pry rasprodažy reštkaŭ pradukcyi źnižki raspaŭsiudziać na ŭsich kupcoŭ.
Dahetul hetyja kramy pradavali adzieńnie i aksesuary dla aktyŭnaha adpačynku amierykanskaj kampanii Columbia Sportswear Company. Pradukcyja hetaha brenda taksama pradstaŭlenaja ŭ Biełarusi ŭ inšych handlovych sietkach, naprykład, u «Sportmajstary».
U 2024 hodzie ŭ Biełarusi zakryłasia sietka dziciačaha adzieńnia «Buślik», asnoŭnym akcyjanieram i pastaŭščykom jakoj była polskaja kampanija. Vosieńniu minułaha hoda ŭ Miensku taksama spynili pracu kramy polskaha abutku Wojas.
Viadomy biełaruski rytejler začyniŭ usie kramy ŭ Rasii
Handlovy dom «Na Niamizie» čakajuć źmieny
U Biełarusi ciškom začyniłasia pradstaŭnictva Johnson&Johnson
U Minsku adkryłasia pieršaja krama, jakaja prychodzić na źmienu «Buśliku»