Mazyrski śpirtaharełačny zavod raspradajuć pa častkach
Mnostva łotaŭ pa prodažy abstalavańnia Mazyrskaha śpirtaharełačnaha zavoda zaŭvažyła vydańnie «Fłahštok» na elektronnaj handlovaj placoŭcy. U asnoŭnym, heta ŭstanoŭki, jomistaści i inšaje abstalavańnie, a najbolš bujnyja łoty — budynki ŭ Mazyrskim rajonie pobač z MNPZ. Heta administracyjna-bytavy budynak i inžynierny korpus.
09.01.2025 / 17:47
Fota: «Homielskaja praŭda»
U cełym za kompleks budynkaŭ chočuć atrymać bolš za 1 młn rubloŭ (zvyš 300 tysiač dalaraŭ). Abodva budynki, miarkujučy pa fatahrafijach, jašče niadaŭna vykarystoŭvalisia.
Pabudovy majuć płošču bolš za 4 tysiačy kvadratnych mietraŭ. Patencyjnamu pakupniku prapanujecca vykarystoŭvać ich «dla budaŭnictva i absłuhoŭvańnia».
Majomaść, jakaja realizujecca. Fota: realt.by
Suma ŭsioj majomaści, jakaja realizujecca, naličvaje niekalki miljonaŭ rubloŭ. Zavod raspradaje cechi, trubapravody, cysterny, tysiačy adzinak škłatary, ačyščalnyja zbudavańni i navat pažarnuju častku.
Pažarnaja častka, jakaja realizujecca. Fota: ipmtorgi.by
U infarmacyi pra łoty pakazana, što pradpryjemstva-pradaviec znachodzicca ŭ statusie bankructva. Sajt pradpryjemstva dastupny i prapanuje raznastajnuju pradukcyju: ad mocnych ałkaholnych napojaŭ da antysieptyku. Choć miarkujučy pa rasprodažy abjektaŭ, ad infrastruktury zavoda amal ničoha nie zastałosia i dla vytvorčaści zachavanyja tolki nievialikija pamiaškańni.
Jašče adna kampanija ŭładalnikaŭ «Vostrava čyścini» zbankrutavała
Pastavili kropku ŭ historyi Delta Banka
Pajšła ŭ likvidacyju viadomaja budaŭničaja kampanija
Bankrutuje biełaruskaja dačka niamieckaha vytvorcy soniečnych panelaŭ