U Rasii raskazali pra pahłynańnie Biełarusi jak «elemient paślavajennaj realnaści»
Rasijskaje vydańnie «Mieduza» na ŭmovach ananimnaści pahavaryła ź niekatorymi pradstaŭnikami rasijskich «elit» adnosna ich čakańniaŭ, rasčaravańniaŭ i bačańnia budučyni, kali vajna va Ukrainie ŭ 2025 hodzie zavieršycca. Siarod inšaha ŭ ich adkazach prahučała i tema Biełarusi.
09.01.2025 / 16:35
Surazmoŭcami «Mieduzy» byli čynoŭniki, blizkija da administracyi prezidenta i ŭrada Rasii, dva deputaty Dziarždumy, adzin sienatar i try vysokapastaŭlenyja čynoŭniki z roznych rehijonaŭ krainy.
Havoračy pra varyjanty «novaha paradku dnia», jaki pavinien viarnuć rasijan da mirnaha žyćcia paśla hipatetyčnaha zakančeńnia vajny, surazmoŭcy adznačali, što ŭ Kramli nibyta razhladajecca varyjant «bolš hłybokaj intehracyi» Rasii i Biełarusi.
Adna z krynic, blizkich da pucinskaj administracyi, patłumačyła heta tak:
«Umoŭna, niejkija supolnyja orhany ŭłady. Ich navat možna vybrać, pravieści kampaniju, pakazać novyja rekordy. Złučeńnie ziamiel, jakija raspalisia ŭ 1980-ch — 1990-ch hadach, sajuz respublik. Heta padzieja, tut možna prajavić pazityŭ, jak heta pradavać — zrazumieła».
Pry hetym, ź jahonych słoŭ, realistyčnaść takoha scenaru «całkam zaležyć ad Alaksandra Łukašenki, a jon vidavočna choča zastavacca paŭnapraŭnym kiraŭnikom».
Vydańnie Politico ahučyła nievierahodnyja scenary na 2025 hod. Adzin ź ich — źviaržeńnie Łukašenki
Chalezin parazvažaŭ pra fienomien łukašyzmu: Usie my ździvimsia, jak imhnienna zabuduć pra Łukašenku
Pucin: Rasija zrobić usio dla biaśpieki Biełarusi