Былому міністру фінансаў Германіі шпурнулі ў твар торт. Ён спачатку пажартаваў, а потым засмуціўся
Маладая жанчына напала на лідара партыі СвДП Крысціяна Лінднера з тортам падчас яго перадвыбарчага выступу ў Грайфсвальдзе, піша Bild.
09.01.2025 / 15:38
Photo: Stefan Sauer/dpa (Photo by Stefan Sauer/picture alliance via Getty Images
Торт патрапіў былому міністру фінансаў у твар. Пасля інцыдэнту ён працягнуў сваю прамову: «Я з гонарам нашу гэтыя баявыя шнары [сляды барацьбы]», — заявіў Лінднер.
Прадстаўнік мясцовай СвДП і відавочца заявілі, што гэта быў муляж торта, зроблены з крэму для галення.
Лінднер пакаштаваў пену і працягнуў сваю прамову. «На жаль, гэта не крэм, а проста мыла», — сказаў ён.