Pry ŭdary pa Zaparožžy zahinuli 13 čałaviek, 63 paranienyja
Pa danych ukrainskich uładaŭ, pa Zaparožžy byli vypuščanyja prynamsi dźvie rasijskija kiravanyja avijabomby.
09.01.2025 / 08:04
Mvs.gov.ua
Ukrainskaja słužba pa nadzvyčajnych situacyjach paviedamlaje, što ŭ vyniku rasijskaha avijaŭdaru pa Zaparožžy zahinuli 13 čałaviek, a 63 paciarpieli.
U paviedamleńni taksama skazana, što vyratavalnyja słužby likvidavali pažar na płoščy 800 mietraŭ u niejkim administracyjnym budynku, patušanyja taksama try aŭtamabili.
Pry ŭdary paškodžanyja čatyry administracyjnyja budynki, 27 aŭtamabilaŭ i tramvaj, piša Dziaržaŭnaja słužba pa nadzvyčajnych situacyjach.
Pa danych ukrainskich uładaŭ pa Zaparožžy byli vypuščanyja prynamsi dźvie rasijskija kiravanyja avijabomby.
Rasiejskija ŭłady ŭdar pa Zaparožžy nie kamientavali.