Hulni na Nacyjanalnym futbolnym stadyjonie chočuć zapuścić matčam z Rasijaj
Biełaruskaja fiederacyja futboła nakiravała zapyt u Rasijski futbolny sajuz ab praviadzieńni tavaryskaha matču ŭ červieni 2025 hoda. Pry hetym matč chočuć arhanizavać na Nacyjanalnym futbolnym stadyjonie, jaki ciapier budujecca ŭ Minsku na vulicy Vaniejeva.
08.01.2025 / 21:36
Makiet Nacyjanalnaha futbolnaha stadyjona. 2019 hod. Fota: Wikimedia Commons
Jak paviedamiŭ u kamientary «Matč TB» pieršy namieśnik staršyni ABFF Andrej Vasilevič, u Biełarusi hatovyja «razhledzieć varyjant z praviadzieńniem matču na novym stadyjonie ŭ Minsku».
Nacyjanalny futbolny stadyjon, zhodna z prajektam, raźličany na 33 tys. hledačoŭ. Jon stanie samym vialikim u Biełarusi. Pačałosia budaŭnictva areny ŭ 2019-m, a skončyć mierylisia spačatku ŭ 2023-m, ale paśla terminy dva razy pieranosili. Ciapier mierkavanaja data ŭračystaha adkryćcia — 9 maja 2025 hoda.
Futbolnyja zbornyja Biełarusi i Rasii apošni raz hulali zusim niadaŭna, u červieni 2024-ha. Tady sustreča adbyłasia na stadyjonie «Dynama», a matč zaviaršyŭsia na karyść rasijan ź likam 4:0.
Jakija sacyjalnyja abjekty pabudujuć u Minsku ŭ 2025 hodzie
Futbolny kłub «Maksłajn» paśla vychadu ŭ vyšejšuju lihu pamianiaŭ nazvu
Ministr sportu nazvaŭ novuju datu adkryćcia Nacyjanalnaha futbolnaha stadyjona