U centry Hrodna pabudujuć zakryty kvartał taŭnchausaŭ
Budaŭnictva kompleksu «Rojał Park» idzie na vulicy Kamunalnaj, niedaloka ad stadyjona «Nioman» i Ladovaha pałaca, piša Hrodna.life. Damy buduć u krokavaj dasiažnaści ad hałoŭnych słavutaściaŭ Hrodna.
08.01.2025 / 19:01
Rendary ŽK «Rojał Park». Krynica: astostroi.by
Zabudoŭvaje centr Hrodna taŭnchausami kampanija «AstoStroj». Novyja katedžy źjaviacca na terytoryi byłoha miasakambinata, jaki znachodziŭsia na vulicy Kamunalnaj.
Raźmiaščeńnie ŽK «Rojał Park». Krynica: astostroi.by
Žyły kompleks budzie składacca z dabłchausaŭ, dzie ŭ adnym domie znachodziacca pa dźvie kvatery płoščaj 127 kv.m. kožnaja. Usiaho kvater płanujecca 30.
Sami damy buduć dvuchpaviarchovymi, z panaramnymi voknami i ciopłymi padłohami. Płanujecca ŭstanoŭka ŭłasnaj kacielni z sučasnaj aŭtamatykaj. Zdavać damy ŭ ekspłuatacyju buduć z čystavym azdableńniem i mahčymaściu svabodnaj płaniroŭki.
Rendary ŽK «Rojał Park». Krynica: astostroi.by
U kožnaj kvatery ŭ dabłchausie budzie asobny ŭvachod i ŭłasny ŭčastak u 2 sotki. Taksama dla žycharoŭ praduhledžanyja dva parkovačnyja miescy.
Terytoryja kompleksu budzie zakrytaj — na ŭvachodzie ŭstalujuć šłahbaum, a padjezdy da ŭsich damoŭ zaasfaltujuć.
Kvatery ŭ dabłchausach užo dastupnyja da braniravańnia. Košt kvadrata składaje $1250. Start prodažaŭ zapłanavany na studzień 2025 hoda.
Kampanija «AstoStroj» uzvodzić jašče niekalki abjektaŭ u Hrodnie. Tak, pamiž mikrarajonami Hrandzičy i Zabałać faktyčna zavieršana budaŭnictva kvartałaŭ z taŭnchausami, a ŭ Pyškach uzvodzicca apart-hatel.
Haradziency prasili ŭstalavać miemaryjalnuju došku ŭ honar Vasila Bykava. Voś što adkazali čynoŭniki
Karaleŭskuju siadzibu Paniatoŭskaha ŭ Hrodnie pradajuć tańniej za staruju adnapakajoŭku