U Mahilovie maleńkaje dzicia ŭpała ź piataha paviercha
Chłopčyk 2023 hoda naradžeńnia zahinuŭ pry padzieńni z 5-ha paviercha ŭ Mahilovie, paviedamiła pres-słužba Śledčaha kamiteta.
08.01.2025 / 18:24
Trahiedyja adbyłasia siońnia dniom. Dzicia znachodziłasia doma z mamaj i babulami. Darosłyja rabili chatnija spravy, a dzicia hulała.
Toje, što dziciaci niama ŭ pakoi, a akno adčynienaje, zaŭvažyła adna z babul. Vyhlanuŭšy ŭniz, žančyna ŭbačyła dzicia, što lažała na ziamli.
Pavodle papiaredniaj infarmacyi, chłopčyk zalez na kresła, jakoje stajała pobač z padvakońnikam, adčyniŭ akno i ŭpaŭ uniz z vyšyni 5-ha paviercha. Ad atrymanych traŭmaŭ jon zahinuŭ.