Z aŭkcyjonu pradajuć častku viadomaha budaŭničaha rynku va Uruččy
Na aŭkcyjonnaj placoŭcy Instytuta nieruchomaści i acenki GosTorg źjaviłasia abjava ab prodažy z małatka častki viadomaha budaŭničaha rynku ŭ mikrarajonie Uručča ŭ Minsku. Pradaŭcom vystupaje TAA «AAB Lizinh», piša Blizko.by
08.01.2025 / 15:47
U skład łota ŭvachodziać čatyry adna– i dvuchpaviarchovyja budynki, pabudavanyja ŭ 1968—1971 hadach. Ich ahulnaja płošča składaje 2624 kvadratnyja mietry.
Płošča ziamielnaha ŭčastka — 7,7 hiektara, termin jaho arendy prapisany z 6 śniežnia 2024 hoda pa 31 žniŭnia 2123 hoda (amal 100 hadoŭ).
Pačatkovy košt łota składaje 3.057.600 rubloŭ, krok aŭkcyjonu — 5%. Akramia taho, pieramožca tarhoŭ pavinien budzie apłacić arhanizataru aŭkcyjonu ŭznaharodžańnie ŭ pamiery 0,9% ad cany prodažu łota.
Takim čynam, pieramožca pavinien budzie vykłaści za budynki minimum 3.239.374 rubli, abo 926.727 dalaraŭ pa aktualnym kursie Nacbanka.
Aŭkcyjon adbudziecca 17 studzienia 2025 hoda ŭ 11:15.