Lasnyja pažary achapili zachad Łos-Andželesa, žycharoŭ zaklikali evakujavacca
Ułady Kalifornii abviaścili nadzvyčajnaje stanovišča ŭ Łos-Andželesie praź lasnyja pažary, jakija achapili niekatoryja rajony na zachadzie horada. Žycharam zahadana evakujavacca.
08.01.2025 / 07:33
Fota: Ethan Swope / AP
U zonie evakuacyi ŭ rajonie Palisiejds pražyvaje kala 30 tysiač čałaviek. Na pres-kanfierencyi miascovyja čynoŭniki, piša Bi-bi-si.
Pad pahrozaj znachodziacca kala 10 tysiač damoŭ. Hubiernatar Kalifornii Hevin Ńjusam zajaviŭ, što mnohija budynki ŭžo źniščanyja ahniom.
Prezident ZŠA Džo Bajden, jaki ciapier znachodzicca ŭ Łos-Andželesie, byŭ prainfarmavany ab tym, što adbyvajecca i padtrymlivaje suviaź z pradstaŭnikami štata i miascovych uładaŭ, paviedamlaje CNN sa spasyłkaj na Bieły dom.