Mark Cukierbierh zajaviŭ pra admovu ad faktčekieraŭ i «viartańnie da karanioŭ»
Amierykanski biznesmien Mark Cukierbierh, najbolš viadomy jak uładalnik sacsietak Facebook i Instagram, zajaviŭ pra zanadta vialikuju kolkaść pamyłak i cenzury ŭ servisach jahonaj kampanii Meta. U suviazi z hetym u ich anansavanyja vialikija reformy.
07.01.2025 / 19:01
Mark Cukierbierh. Fota: AP Photo/Godofredo A. Vásquez
Pavodle słoŭ Marka Cukierbierha, Facebook i Instagram nadalej admoviacca ad faktčekieraŭ, a zamiest ich źjaviacca «zaŭvahi supolnaści». Inšaja prahrama faktčekinhu, jakaja vykarystoŭvałasia Meta apošnija niekalki hadoŭ, budzie skasavanaja. Jaje zamieniać zaŭvahi karystalnikaŭ, anałahičnyja padychodu ŭ sacsietcy X.
«My dasiahnuli punktu, kali ŭ nas stała zanadta šmat pamyłak i cenzury. Niadaŭnija vybary [prezidenta ZŠA] stali pierałomnym momantam na karyść taho, kab znoŭ pastavić svabodu słova ŭ pryjarytet. My źbirajemsia viarnucca da našych karanioŭ, zasiarodzicca na źmianšeńni kolkaści pamyłak, spraščeńni palityki i adnaŭleńni svabody słova na našych płatformach», — zajaviŭ Cukierbierh u videazvarocie.
Usiu vinu za raniejšuju cenzuru ŭ Meta Cukierbierh uskłaŭ na ŭrad ZŠA i tradycyjnyja ŚMI, zajaviŭšy, što mienavita jany cisnuli na jahonuju kampaniju.
Ciapier cenzura zastaniecca tolki dla asabliva kryminalnych zapisaŭ, pryśviečanych narkotykam, teraryzmu i ekspłuatacyi dziaciej.
Facebook amal dziesiać hadoŭ davaŭ čytać kampanii Netflix asabistyja paviedamleńni karystalnikaŭ
Redahavańnie vyjaŭ z dapamohaj hienieratyŭnaha ŠI prychodzić u Instagram
Instagram zrobić Reels bolš praciahłymi dla kankurencyi z TikTok i YouTube?
Što takoje Bluesky, kudy biełarusy sychodziać z tvitara? I ŭ jakim stanie ciapier Bel_sky?