Čyhunačnikaŭ pierad vybarami prosiać sačyć za tymi, chto fatahrafuje ciahniki, i padazronymi zamiežnikami
Na ŭsie adździaleńni Biełaruskaj čyhunki ŭ kancy śniežnia 2024 hoda Ministerstva ŭnutranych spraŭ razasłała listy z patrabavańniem pryniać «dadatkovyja miery» ŭ suviazi z vybarami.
06.01.2025 / 20:57
List apublikavała Supolnaść čyhunačnikaŭ Biełarusi.
Siarod patrabavańniaŭ — nieadkładna paviedamlać pra fota– i videazdymku abjektaŭ čyhunki i pra padaronych zamiežnikaŭ, jakija znachodziacca pablizu jaje infrastruktury.
List, apublikavany Supolnaściu čyhunačnikaŭ Biełarusi
Uzmacnieńnie mier biaśpieki napiaredadni vybaraŭ nazirałasia i raniej, piša Supolnaść čyhunačnikaŭ, ale takich patrabavańniaŭ nie było.
Nahadajem, raniej na čyhuncy zatrymali dvuch japoncaŭ, jakija fatahrafavali ciahniki i stancyi. Adzin z vypadkaŭ byŭ u krasaviku 2024 hoda, druhi — u śniežni.
Zatrymanaha ŭ krasaviku vykładčyka Masatosi Nakanisi abvinavacili pa artykule ab ahienturnaj dziejnaści. Pavodle viersii KDB Biełarusi, ciaham šaści hadoŭ jon zdabyvaŭ źviestki pra važnyja stratehičnyja abjekty i hramadska-palityčnuju situacyju ŭ krainie dla japonskaj raźviedki.
U Biełarusi paviedamili pra zatrymańnie ahienta japonskich śpiecsłužbaŭ
Na Biełaruskaj čyhuncy zatrymali jašče adnaho hramadzianina Japonii
Zatrymany ŭ Biełarusi japoniec — trevieł-błohier «Eteru»