Piensijanierka zamiest śviečki zapaliła pietardu. Taja ŭ ruce vybuchnuła
U Mahilovie piensijanierka zamiest śviečki zapaliła pietardu, paviedamiła pres-słužba MNS. U vyniku pietarda ŭzarvałasia ŭ jaje ŭ ruce. Žančynu špitalizavali.
06.01.2025 / 12:55
U balnicu Mahilova viečaram 5 studzienia była dastaŭlena 57-hadovaja piensijanierka.
«5 studzienia 2025 hoda ŭ 18:31 pastupiła paviedamleńnie ab špitalizacyi piensijanierki ź infikavanaj ranaj i traŭmatyčnaj amputacyjaj nohcievych płaścin troch palcaŭ pravaj kiści, atrymanymi 2 studzienia 2025 hoda», — raskazali padrabiaznaści ŭ MNS.
Pavodle MNS, žančyna atrymała traŭmy «ŭ vyniku vybuchu pietardy, jakuju pa nieaściarožnaści padpaliła zamiest śviečki ŭ kvatery šmatkvaternaha žyłoha doma ŭ Mahilovie pa vulicy Krupskaj».