Расіяне цэлы дзень атакуюць Херсон — параненыя восем жыхароў горада
З-за расійскіх атак на Херсон і прыгарад 5 студзеня параненыя восем чалавек, паведамляе Херсонская вайсковая адміністрацыя.
05.01.2025 / 18:00
У Херсоне пад абстрэл трапіў маршрутны аўтобус, людзі не пацярпелі
Спачатку расіяне скінулі выбухоўку з дрона — двое мужчын, 65 і 67 гадоў, дастаўленыя ў лякарню з мінна-выбуховымі траўмамі і аскепкавымі раненнямі.
Пазней праз абстрэл пацярпела 56-гадовая жанчына. Яна шпіталізаваная з закрытай чэрапна-мазгавой траўмай.
Пад варожы абстрэл у Дняпроўскім раёне прыкладна ў 10:00 трапіў 49-гадовы херсонец.
У тым жа раёне пад абстрэл трапіў маршрутны аўтобус, людзі не пацярпелі.
Акрамя таго, траўмы атрымалі 84-гадовая жанчына, 25-гадовы мужчына (у момант атакі ён быў у аўто), 53-гадовы мужчына, які трапіў пад атаку беспілотніка.
45-гадовы херсонец, які ехаў на матацыкле, таксама быў атакаваны з дрона. Ён атрымаў закрытую чэрапна-мазгавую траўмы, кантузію, асколачныя раненні.